د هغۀ د نوم ثناء

پر شواهدو ولاړه ستاینه: زموږ پلار په سمندر او آسمان کې هر څه چې وغواړي کوي، مصر یې ووهه، سیحون او عوج یې راوپرزول او د هغوی ځمکه یې وسپارله. د دې تر څنګ، بتان چې بې ګټې خولې او سترګې لري، خپل جوړونکي هم هغسې تش پرېږدي.

څپرکی 135.

هالِلوياه! د زمونږ پلار د نوم ثناء بيانوئ؛ اے د زمونږ پلار نوکرانو، د هغۀ ثناء بيانوئ، اے هغو چې د زمونږ پلار په کور کښې، د زمونږ پلار د کور په احاطو کښې خدمت کوئ.

د زمونږ پلار ثناء بيانوئ، ځکه چې زمونږ پلار ښۀ دے؛ د هغۀ د نوم په حمد کښې سندرې ووايئ، ځکه چې دا خوندوره ده. ځکه چې زمونږ پلار يعقوب د ځان دپاره خوښ کړو، اِسرائيل د خپلې قيمتى مِلکيت په توګه.

ځکه چې زۀ پوهيږم چې زمونږ پلار لوئ دے، او زمونږ حاکم پلار د ټولو بتانو نه برتر دے. څۀ چې زمونږ پلار وغوختل، هغه يې وکړل، په آسمانونو کښې او په زمکه باندې، په سمندرونو کښې او د هغو په ټولو ژورو کښې. هغه د زمکې د کنارو نه ورېځې راپورته کوى؛ هغه د باران دپاره بريښنا جوړوى او د خپلو ذخيرو نه هوا راباسى.

هغۀ د مصر مشران زامن ووژل، هم اِنسانان او هم ځناور. هغۀ ستا په مينځ کښې، اے مصره، نښانې او معجزې راولېږلې، د فرعون او د هغۀ د ټولو نوکرانو خلاف. هغۀ ډېرې قومونه ووهل او زورور بادشاهان يې ووژل. د اموريانو بادشاه سيحون، او د بسن بادشاه عوج، او د کنعان ټولې بادشاهۍ، او د هغو ملک يې د ميراث په توګه ورکړو، خپل قوم اِسرائيل ته د ميراث په توګه.

ستا نوم، زمونږ پلاره، تل ته پاتې کيږى؛ ستا شهرت، زمونږ پلاره، په ټولو پښتونو کښې. ځکه چې زمونږ پلار به د خپل قوم اِنصاف وکړى او په خپلو نوکرانو به رحم وکړى.

د قومونو بتان سپين زر او سره زر دى، د اِنسان د لاسونو کار دے. دوئ خولې لرى، خو خبرې نۀ شى کولے؛ دوئ سترګې لرى، خو ليدلے نۀ شى؛ دوئ غوږونه لرى، خو اورېدلے نۀ شى، او نۀ د دوئ په خولو کښې څۀ ساه شته. هغه چې دا جوړوى، د دوئ په شان کيږى، او هر هغه هم چې په دوئ بھروسه کوى.

اے د اِسرائيل کورنۍ، د زمونږ پلار ثناء بيانوئ؛ اے د هارون کورنۍ، د زمونږ پلار ثناء بيانوئ؛ اے د لاوى کورنۍ، د زمونږ پلار ثناء بيانوئ؛ اے تاسو چې د زمونږ پلار نه يرېږئ، د زمونږ پلار ثناء بيانوئ. زمونږ پلار دې د صيون نه مبارک وى، هغه چې په يروشلم کښې اوسيږى. هالِلوياه!