دا د سپينو زرو په شان ولټوه
استدلال شرطي دی. که پوهه داسې ولټوې لکه خلک چې د ښخو شوو سپینو زرو لپاره کیندنه کوي، نو بیا به پوه شې چې زموږ د پلار وېره څه معنا لري. ګټه یې عملي ده: له هغو سړیو ساتنه چې له ضرر رسولو خوند اخلي، او له هغه پردي چې خوږې خبرې کوي.
2 1اے زما زويه، کۀ تۀ زما خبرې قبول کړې او زما حُکمونه په خپل زړۀ کښې وساتې، 2خپل غوږ حکمت ته ونيسې او خپل زړۀ پوهې ته واړوې؛ 3هو، کۀ تۀ د فهم دپاره آواز وکړې او د پوهې دپاره خپل آواز اوچت کړې، 4کۀ تۀ دا د سپينو زرو په شان ولټوې او د پټ خزانې په شان ئې وپلټې، 5نو بيا به تۀ د زمونږ پلار وېرې ته پوهه شې او د زمونږ پلار علم به ومومې. 6ځکه چې زمونږ پلار حکمت ورکوى؛ د هغۀ د خولې نه علم او پوهه راوځى. 7هغه د صادقانو دپاره حقيقى حکمت ساتى؛ هغه هغو کسانو ته ډال دے چې په ايمانداري ګرځى، 8د انصاف لارې ساتى او د خپلو وفادارو کسانو لار ساتنه کوى.
9نو بيا به تۀ صداقت وپېژنې او انصاف او برابرى — هره نيکه لار. 10ځکه چې حکمت به ستا زړۀ ته ننوځى او علم به ستا روح ته خوند ورکوى؛ 11عقلمندى به ستا ساتنه کوى او پوهه به دې ساتى، 12تا به د بدو لارې نه بچ کوى، د هغو سړو نه چې کږې خبرې کوى، 13څوک چې د صداقت لارې پرېږدى، دې دپاره چې د تيارې په لارو وګرځى، 14څوک چې په بدي کولو کښې خوشحاليږى او د بدي په خرابۍ خوشحالى کوى، 15چې د هغوئ لارې کږې دى، او چې په خپلو لارو کښې بېلارې دى.
16حکمت به تا د بدکارې ښځې نه هم بچ کوى، د هغې پردۍ ښځې نه چې نرمې خبرې کوى، 17څوک چې د خپل ځوانۍ ملګرے پرېږدى او د خپل پلار لوظ هېروى. 18ځکه چې د هغې کور د مرګ طرف ته ډوبيږى، او د هغې لارې د مړو طرف ته. 19هغه څوک چې هغې ته ځى، هيڅوک بيا نۀ راګرځى، او نۀ د ژوندون لارو ته رسيږى.
20نو تۀ به د نيکانو په لار وګرځې او د صادقانو لارې به ونيسې. 21ځکه چې صادقان به په ملک کښې اوسيږى، او ايماندار به پکښې پاتې شى؛ 22خو بدکاران به د ملک نه پرې کړى شى، او بېايمانه به ترې لرې کړى شى.
