Psalms 1

1 ¹Blessed na di person wey no dey waka for di advice of wicked people, wey no dey stand among people wey dey sin, wey no dey sidon for di seat of people wey dey mock others, ²but im joy dey inside di law of our Papa, and na for im law e dey think day and night. ³E be like tree wey dem plant near river of water, wey dey bring im fruit for di right season, and im leaf no dey dry—and anytin wey e do dey prosper.

⁴But no be so wicked people be! Dem be like chaff wey wind dey blow comot. ⁵Na why wicked people no go fit stand for di judgment, and people wey dey sin no go stand for di gathering of correct-and-holy people. ⁶Because our Papa dey watch over di way of correct-and-holy people, but di way of wicked people go perish.