Lamnyu Nyi, Kishang Nyi
Ho le seneibü Bou mütshuongeibü welaubü hoba songdak ki. Nyensang Chia saongaoto anjinsem, nyensangbü, manghaapbü, thangtetbü, hoba mailembü, müteibü maangpon jihsiphai pendoua sühbü, seneibü Bou thedanga ngühmaia leibabü.
1 1Amaibü shuong dambü ka apaibü, shabü shuong yoa aloenbü, hoba mü awealaubü setshanga asetbü müt kho olinbou, 2lausikei seneibü Bou ngühkhüma haoei olinda, hoba haoeibü ngühkhüm shanga haoei chaloua si nangnak damanchühda. 3Hao kho dei shumang nyangko kebü bunyu che tegü ki, laobou jembü jihsiphaia hek hekkuda, hoba jembü buyik angokda— hoba haoei ai ong kümlaje keida.
4Amaibü shuongje khei aying! Haoen kho yeiei soulangbü youho tegü ki. 5Khoei amaibü shuong matjemshanga aloenlabü, ayingsi shabü shuong saopobü shuong kamshanga aloenlabü. 6Aishanga seneibü Bouei saopobü shuong lamnyu damenda, lausikei amaibü shuong lamnyu kho maulabü.
