Lenmang Ana, Atongdang Ana
Asen Tebu nübur sarasademba kaket aser songtokba kaket, tenüngsang, lamek, tenetben aser tamang indang tenüngsang ken noklang ka ser tenem, nisung mulung mapang shitak ajak akangshia, asen Tebu madang asangsang agi bener.
1 1Tamajunger sentong nung majajar, temenenpur rongnung manoktaker, aser sensamasatsürtem menden nung mamener shiba temoatsüba lir, 2Saka asen Tebu ozüng nung pai pelar, aser aji ozüng indang pai anüngdang aser aonung shisadangtsü. 3Pai tzü ayongtem kübok atemba, pei mapang shitak nung süngjang tangba, aser pei süngo mazülarba süngdong ka ama lir; aser pai kechisa inyakdir aji ajak renloktsü.
4Tamajunger yamaji masü! Parnok mopungi aridokba tsüksü ama lir. 5Aji asünung tamajunger obendang nung manoktaktsütsü, mesüra temenenpur temeshipur sentep nung manoktaktsü. 6Kechiaser asen Tebui temeshipur lenmang meteter, saka tamajunger lenmangji samatsütsü.