Numbers 34

34 ¹And our Papa talk give Moses, say,

²"give order to di Israelites: wen una enter di land of Canaan, na dis be di land wey go fall to una as inheritance—di land of Canaan, inside im borders. ³Una south side go run from di Zin wilderness for Edom side; una south border go start from di Dead Sea end, for east side. ⁴Una border go turn for south of di Ascent of Akrabbim, cross go Zin, reach south of Kadesh-barnea, go on reach Hazar-addar, and pass reach Azmon. ⁵From Azmon di border go turn go Egypt Brook, and e go end for di Sea.

⁶"Una west border go be di Mediterranean Sea and im coast. ^a a v6 Di Great Sea na di Mediterranean.

⁷"Dis go be una north border: from di Mediterranean Sea, draw una line go Mount Hor. ⁸From Mount Hor mark line go Lebo-hamath, and e go end for Zedad; ⁹den di border go stretch reach Ziphron and end for Hazar-enan. Dis go be una north border.

¹⁰"Una go mark out una east border from Hazar-enan go Shepham. ¹¹Di border go go down from Shepham reach Riblah, for east of Ain, den e go go down reach di slope for east of di Sea of Chinnereth. ^b b v11 Di Sea of Chinnereth na di lake wey dem come call Sea of Galilee later. ¹²Di border go go down reach di Jordan, and e go end for di Dead Sea. Dis go be una land, wit im borders all around."

¹³Moses give order to di Israelites: Dis na di land wey una go inherit by lot, wey our Papa command make dem give di nine tribes and di half-tribe. ¹⁴Di tribe of Reuben pikin dem, by dia papa house, and di tribe of Gad pikin dem, by dia papa house, don already take dia inheritance; na so di half-tribe of Manasseh too do. ¹⁵Di two-and-half tribes don receive dia inheritance for across di Jordan from Jericho, for east side wia sun dey rise.

Our Papa Talk Again

¹⁶And our Papa talk give Moses, say,

¹⁷"na dis be di names of di men wey go share di land give una as inheritance: Eleazar di priest and Joshua pikin of Nun. ¹⁸And una go take one leader from every tribe make dem share di land for inheritance. ¹⁹Dis na di names of di men: from di tribe of Judah, Caleb di pikin of Jephunneh; ²⁰from di tribe of di pikin dem of Simeon, Shemuel di pikin of Ammihud; ²¹from di tribe of Benjamin, Elidad di pikin of Chislon; ²²from di tribe of di pikin dem of Dan, one leader, Bukki di pikin of Jogli; ²³from Joseph pikin dem: from Manasseh tribe, leader Hanniel pikin of Ephod, ²⁴and from di tribe of di pikin dem of Ephraim, one leader, Kemuel di pikin of Shiphtan; ²⁵from di tribe of di pikin dem of Zebulun, one leader, Elizaphan di pikin of Parnach; ²⁶from di tribe of di pikin dem of Issachar, one leader, Paltiel di pikin of Azzan; ²⁷from di tribe of di pikin dem of Asher, one leader, Ahihud di pikin of Shelomi; ²⁸and from di tribe of di pikin dem of Naphtali, one leader, Pedahel di pikin of Ammihud."

²⁹Dis na di ones wey our Papa command make dem share di inheritance give di children of Israel for di land of Canaan.