ମୋଶା ପ୍ରଧାନମାନଙ୍କୁ କଥା କହନ୍ତି

ଆମ ପିତାଙ୍କ ନିକଟରେ କରାଯାଇଥିବା ମାନସିକ ପାଳନ କରିବାକୁ ହେବ — ପୁରୁଷର ବାକ୍ୟ ତାହାକୁ ସମ୍ପୂର୍ଣ୍ଣ ବାନ୍ଧେ। ଅଳ୍ପବୟସ୍କା କନ୍ୟା ବା ପତ୍ନୀର ମାନସିକ, ତାହାର ବାପା ବା ସ୍ୱାମୀ ଯେଉଁ ଦିନ ଶୁଣେ ସେହି ଦିନ ରଦ୍ଦ କରାଯାଇପାରେ; ଯଦି ସେ ଚୁପ୍ ରହେ, ତାହା ସ୍ଥିର ରହେ, ଏବଂ କୌଣସି ଦୋଷ ତାହାର ହୁଏ।

ଅଧ୍ୟାୟ 30।

ମୋଶା ଇସ୍ରାଏଲର ବଂଶାଧିପତିମାନଙ୍କୁ କହିଲେ, ଆମ୍ଭମାନଙ୍କ ପିତା ଯାହା ଆଜ୍ଞା ଦେଇଅଛନ୍ତି, ତାହା ଏହି। କୌଣସି ପୁରୁଷ ଆମ୍ଭମାନଙ୍କ ପିତାଙ୍କ ନିକଟରେ ମାନତ କଲେ, ଅବା ଆପଣାକୁ ପ୍ରତିଜ୍ଞାରେ ଆବଦ୍ଧ କରିବା ନିମନ୍ତେ ଶପଥ କଲେ, ସେ ଆପଣା ବାକ୍ୟ ଭଙ୍ଗ କରିବ ନାହିଁ; ଆପଣା ମୁଖରୁ ନିର୍ଗତ ସମସ୍ତ କଥାନୁସାରେ ସେ କରିବ।

ଆଉ କୌଣସି ସ୍ତ୍ରୀ ଯୁବତୀ ଥାଇ ଆପଣା ପିତାଙ୍କ ଗୃହରେ ବାସ କରିବା ସମୟରେ ଆମ୍ଭମାନଙ୍କ ପିତାଙ୍କ ନିକଟରେ ମାନତ କଲେ ଓ ପ୍ରତିଜ୍ଞାରେ ଆପଣାକୁ ଆବଦ୍ଧ କଲେ, ପୁଣି ତାହାର ପିତା ତାହାର ମାନତ ଓ ତାହାକୁ ଆବଦ୍ଧ କରିବା ପ୍ରତିଜ୍ଞା ଶୁଣି ତାହାକୁ କିଛି ନ କହିଲେ, ତେବେ ତାହାର ସମସ୍ତ ମାନତ ଓ ତାହାକୁ ଆବଦ୍ଧ କରିବା ପ୍ରତ୍ୟେକ ପ୍ରତିଜ୍ଞା ବଳବତୀ ରହିବ। ମାତ୍ର ତାହାର ପିତା ଯେଉଁ ଦିନ ଶୁଣନ୍ତି, ସେହି ଦିନ ଯଦି ତାହାକୁ ବାରଣ କରନ୍ତି, ତେବେ ତାହାର କୌଣସି ମାନତ ଅବା ଆପଣାକୁ ଆବଦ୍ଧ କରିବା ବନ୍ଧନ ବଳବତୀ ରହିବ ନାହିଁ; ପୁଣି ଆମ୍ଭମାନଙ୍କ ପିତା ତାହାକୁ କ୍ଷମା କରିବେ, କାରଣ ତାହାର ପିତା ତାହାକୁ ବାରଣ କଲେ।

ଆଉ ଯଦି ସେ ଆପଣା ମାନତରେ କିମ୍ବା ଆପଣା ମୁଖରୁ ଅବିବେଚନାରେ ଉଚ୍ଚାରିତ ପ୍ରତିଜ୍ଞାରେ ଆବଦ୍ଧ ଥାଇ ବିବାହିତା ହୁଏ, ପୁଣି ତାହାର ସ୍ଵାମୀ ତାହା ଶୁଣି ଯେଉଁ ଦିନ ଶୁଣେ ସେହି ଦିନ ତାହାକୁ କିଛି ନ କହେ, ତେବେ ତାହାର ମାନତ ବଳବତୀ ରହିବ ଓ ଆପଣାକୁ ଆବଦ୍ଧ କରିବା ବନ୍ଧନ ବଳବତୀ ରହିବ। ମାତ୍ର ତାହାର ସ୍ଵାମୀ ଯେଉଁ ଦିନ ଶୁଣେ, ସେହି ଦିନ ଯଦି ତାହାକୁ ବାରଣ କରେ, ତେବେ ସେ ତାହାକୁ ଆବଦ୍ଧ କରିବା ମାନତ ଓ ତାହାର ମୁଖରୁ ଅବିବେଚନାରେ ଉଚ୍ଚାରିତ ପ୍ରତିଜ୍ଞା ରହିତ କରେ; ପୁଣି ଆମ୍ଭମାନଙ୍କ ପିତା ତାହାକୁ କ୍ଷମା କରିବେ।

ମାତ୍ର ବିଧବା କିମ୍ବା ପରିତ୍ୟକ୍ତା ସ୍ତ୍ରୀର ମାନତ—ଯେଉଁ ସମସ୍ତରେ ସେ ଆପଣାକୁ ଆବଦ୍ଧ କରିଅଛି—ତାହାର ପ୍ରତିକୂଳରେ ବଳବତୀ ରହିବ।

ଆଉ ଯଦି ସେ ଆପଣା ସ୍ଵାମୀର ଗୃହରେ ମାନତ କଲା, କିମ୍ବା ଶପଥ ଦ୍ଵାରା ପ୍ରତିଜ୍ଞାରେ ଆପଣାକୁ ଆବଦ୍ଧ କଲା, ପୁଣି ତାହାର ସ୍ଵାମୀ ତାହା ଶୁଣି ତାହାକୁ କିଛି ନ କହି ତାହାକୁ ବାରଣ ନ କଲା—ତେବେ ତାହାର ସମସ୍ତ ମାନତ ବଳବତୀ ରହିବ ଓ ଆପଣାକୁ ଆବଦ୍ଧ କରିବା ପ୍ରତ୍ୟେକ ପ୍ରତିଜ୍ଞା ବଳବତୀ ରହିବ। ମାତ୍ର ତାହାର ସ୍ଵାମୀ ଯେଉଁ ଦିନ ଶୁଣେ, ସେହି ଦିନ ଯଦି ତାହା ବ୍ୟର୍ଥ କରେ, ତେବେ ତାହାର ମୁଖରୁ ନିର୍ଗତ କୌଣସି କଥା—ତାହାର ମାନତ ଅବା ଆପଣାକୁ ଆବଦ୍ଧ କରିବା ପ୍ରତିଜ୍ଞା—ବଳବତୀ ରହିବ ନାହିଁ; ତାହାର ସ୍ଵାମୀ ତାହା ବ୍ୟର୍ଥ କରିଅଛି, ପୁଣି ଆମ୍ଭମାନଙ୍କ ପିତା ତାହାକୁ କ୍ଷମା କରିବେ। ଆପଣାକୁ ନମ୍ର କରିବା ନିମନ୍ତେ ପ୍ରତ୍ୟେକ ମାନତ ଓ ପ୍ରତ୍ୟେକ ଆବଦ୍ଧକାରୀ ଶପଥ ତାହାର ସ୍ଵାମୀ ଦୃଢ଼ କରିପାରେ କିମ୍ବା ବ୍ୟର୍ଥ କରିପାରେ। ମାତ୍ର ଯଦି ତାହାର ସ୍ଵାମୀ ଦିନକୁ ଦିନ ତାହାକୁ କିଛି ନ କହେ, ତେବେ ସେ ତାହାର ସମସ୍ତ ମାନତ ଅବା ତାହାକୁ ଆବଦ୍ଧ କରିବା ବନ୍ଧନ ଦୃଢ଼ କରେ; ସେ ତାହା ଦୃଢ଼ କରେ, କାରଣ ଯେଉଁ ଦିନ ସେ ତାହା ଶୁଣିଲା, ସେହି ଦିନ ତାହାକୁ କିଛି କହିଲା ନାହିଁ। ମାତ୍ର ଶୁଣିବାର ପରେ ଯଦି ସେ ତାହା ବ୍ୟର୍ଥ କରେ, ତେବେ ସେ ତାହାର ଅପରାଧ ବହନ କରିବ।

ଜଣେ ପୁରୁଷ ଓ ତାହାର ଭାର୍ଯ୍ୟା ମଧ୍ୟରେ, ପିତା ଓ ତାହାର ଗୃହରେ ବାସକାରିଣୀ ଯୁବତୀ କନ୍ୟା ମଧ୍ୟରେ, ଆମ୍ଭମାନଙ୍କ ପିତା ମୋଶାଙ୍କୁ ଯେଉଁ ବିଧିସବୁ ଆଜ୍ଞା ଦେଲେ, ସେହିସବୁ ଏହି।