ପ୍ରଥମ ଶାମୁୟେଲ 7 FHB Father's Heart Bible™

7 ¹ତହିଁରେ କିରୀୟଥ୍‍-ଯିୟାରୀମର ଲୋକମାନେ ଆସି ଆମ୍ଭମାନଙ୍କ ପିତାଙ୍କ ସିନ୍ଦୁକ ନେଇ ପର୍ବତ ଉପରିସ୍ଥ ଅବୀନାଦବର ଗୃହକୁ ଆଣିଲେ, ପୁଣି ଆମ୍ଭମାନଙ୍କ ପିତାଙ୍କ ସିନ୍ଦୁକ ରକ୍ଷା କରିବା ନିମନ୍ତେ ତାହାର ପୁତ୍ର ଇଲୀୟାସରକୁ ପବିତ୍ର କଲେ। ²ସେହି ସିନ୍ଦୁକ କିରୀୟଥ୍‍-ଯିୟାରୀମରେ ବିଶ୍ରାମ କରିବା ଦିନଠାରୁ ଅନେକ କାଳ, ଅର୍ଥାତ୍‍ କୋଡ଼ିଏ ବର୍ଷ ଗତ ହେଲା, ଆଉ ସମୁଦାୟ ଇସ୍ରାଏଲ ବଂଶ ଶୋକ କରି ଆମ୍ଭମାନଙ୍କ ପିତାଙ୍କ ଅନ୍ଵେଷଣ କଲେ। ³ସେତେବେଳେ ଶାମୁୟେଲ ସମୁଦାୟ ଇସ୍ରାଏଲ ବଂଶକୁ କହିଲେ, “ଯଦି ତୁମ୍ଭେମାନେ ଆପଣାମାନଙ୍କ ସମସ୍ତ ଅନ୍ତଃକରଣ ସହିତ ଆମ୍ଭମାନଙ୍କ ପିତାଙ୍କ ନିକଟକୁ ଫେରୁଅଛ, ତେବେ ଆପଣାମାନଙ୍କ ମଧ୍ୟରୁ ବିଦେଶୀୟ ଦେବତା ଓ ଅଷ୍ଟାରୋତ୍‍ ଦୂର କର, ଆଉ ଆପଣାମାନଙ୍କ ମନ ଆମ୍ଭମାନଙ୍କ ପିତାଙ୍କ ପ୍ରତି ନିବିଷ୍ଟ କରି କେବଳ ତାହାଙ୍କର ସେବା କର, ତହିଁରେ ସେ ତୁମ୍ଭମାନଙ୍କୁ ପଲେଷ୍ଟୀୟମାନଙ୍କ ହସ୍ତରୁ ଉଦ୍ଧାର କରିବେ।” ⁴ତେଣୁ ଇସ୍ରାଏଲର ଲୋକମାନେ ବାଲ୍‍ ଓ ଅଷ୍ଟାରୋତ୍‍ ଦୂର କରି କେବଳ ଆମ୍ଭମାନଙ୍କ ପିତାଙ୍କର ସେବା କଲେ। ⁵ତହୁଁ ଶାମୁୟେଲ କହିଲେ, “ସମୁଦାୟ ଇସ୍ରାଏଲକୁ ମିସ୍ପାରେ ଏକତ୍ର କର, ତହିଁରେ ମୁଁ ତୁମ୍ଭମାନଙ୍କ ନିମନ୍ତେ ଆମ୍ଭମାନଙ୍କ ପିତାଙ୍କ ନିକଟରେ ପ୍ରାର୍ଥନା କରିବି।” ⁶ତହିଁରେ ସେମାନେ ମିସ୍ପାରେ ଏକତ୍ର ହୋଇ ଜଳ କାଢ଼ି ଆମ୍ଭମାନଙ୍କ ପିତାଙ୍କ ସମ୍ମୁଖରେ ଢାଳିଲେ, ପୁଣି ସେହି ଦିନ ଉପବାସ କରି କହିଲେ, “ଆମ୍ଭେମାନେ ଆମ୍ଭମାନଙ୍କ ପିତାଙ୍କ ବିରୁଦ୍ଧରେ ପାପ କରିଅଛୁ।” ଆଉ ଶାମୁୟେଲ ମିସ୍ପାରେ ଇସ୍ରାଏଲର ବିଚାର କଲେ। ^a a v6 ଈଶ୍ଵରଙ୍କ ସମ୍ମୁଖରେ ଜଳ ଢାଳିବା ପ୍ରାର୍ଥନା, ଶୋକ ଓ ଆତ୍ମନମ୍ରତାର ଏକ ଧର୍ମାନୁଷ୍ଠାନ ଥିଲା।

⁷ପୁଣି ଇସ୍ରାଏଲ-ସନ୍ତାନମାନେ ମିସ୍ପାରେ ଏକତ୍ର ହୋଇଅଛନ୍ତି ବୋଲି ଯେତେବେଳେ ପଲେଷ୍ଟୀୟମାନେ ଶୁଣିଲେ, ସେତେବେଳେ ପଲେଷ୍ଟୀୟ ଅଧିପତିମାନେ ଇସ୍ରାଏଲ ବିରୁଦ୍ଧରେ ଯାତ୍ରା କଲେ। ଆଉ ଇସ୍ରାଏଲ-ସନ୍ତାନମାନେ ତାହା ଶୁଣି ପଲେଷ୍ଟୀୟମାନଙ୍କୁ ଭୟ କଲେ। ⁸ଏଣୁ ଇସ୍ରାଏଲ-ସନ୍ତାନମାନେ ଶାମୁୟେଲଙ୍କୁ କହିଲେ, “ଆମ୍ଭମାନଙ୍କ ପିତା ଯେପରି ଆମ୍ଭମାନଙ୍କୁ ପଲେଷ୍ଟୀୟମାନଙ୍କ ହସ୍ତରୁ ରକ୍ଷା କରିବେ, ଏଥିପାଇଁ ଆମ୍ଭମାନଙ୍କ ନିମନ୍ତେ ତାହାଙ୍କ ନିକଟରେ ଆର୍ତ୍ତନାଦ କରିବାକୁ କ୍ଷାନ୍ତ ହୁଅ ନାହିଁ।” ⁹ତହୁଁ ଶାମୁୟେଲ ଗୋଟିଏ ସ୍ତନ୍ୟପାୟୀ ମେଷଶାବକ ନେଇ ଆମ୍ଭମାନଙ୍କ ପିତାଙ୍କ ଉଦ୍ଦେଶ୍ୟରେ ସମ୍ପୂର୍ଣ୍ଣ ହୋମବଳି ରୂପେ ଉତ୍ସର୍ଗ କଲେ। ପୁଣି ଶାମୁୟେଲ ଇସ୍ରାଏଲ ନିମନ୍ତେ ଆମ୍ଭମାନଙ୍କ ପିତାଙ୍କ ନିକଟରେ ଆର୍ତ୍ତନାଦ କଲେ, ଆଉ ଆମ୍ଭମାନଙ୍କ ପିତା ତାହାଙ୍କୁ ଉତ୍ତର ଦେଲେ। ¹⁰ଶାମୁୟେଲ ହୋମବଳି ଉତ୍ସର୍ଗ କରୁଥିବା ସମୟରେ ପଲେଷ୍ଟୀୟମାନେ ଇସ୍ରାଏଲକୁ ଆକ୍ରମଣ କରିବା ନିମନ୍ତେ ନିକଟକୁ ଆସିଲେ। କିନ୍ତୁ ସେହି ଦିନ ଆମ୍ଭମାନଙ୍କ ପିତା ପଲେଷ୍ଟୀୟମାନଙ୍କ ବିରୁଦ୍ଧରେ ମହାଶବ୍ଦରେ ଗର୍ଜ୍ଜନ କରି ସେମାନଙ୍କୁ ବ୍ୟାକୁଳ କଲେ, ତହିଁରେ ସେମାନେ ଇସ୍ରାଏଲ ସମ୍ମୁଖରେ ପରାସ୍ତ ହେଲେ। ¹¹ତହୁଁ ଇସ୍ରାଏଲର ଲୋକମାନେ ମିସ୍ପାରୁ ବାହାରି ପଲେଷ୍ଟୀୟମାନଙ୍କୁ ଅନୁଧାବନ କରି ବେଥ୍‍-କର ତଳ ପର୍ଯ୍ୟନ୍ତ ସେମାନଙ୍କୁ ସଂହାର କଲେ।

¹²ସେତେବେଳେ ଶାମୁୟେଲ ଗୋଟିଏ ପ୍ରସ୍ତର ନେଇ ମିସ୍ପା ଓ ଶେନ ମଧ୍ୟରେ ସ୍ଥାପନ କଲେ, ଆଉ “ଏପର୍ଯ୍ୟନ୍ତ ଆମ୍ଭମାନଙ୍କ ପିତା ଆମ୍ଭମାନଙ୍କର ସାହାଯ୍ୟ କରିଅଛନ୍ତି” ବୋଲି କହି ତାହାର ନାମ ଏବନ୍‍-ଏଜର ରଖିଲେ। ^b b v12 ଏବନ୍‍-ଏଜରର ଅର୍ଥ “ସାହାଯ୍ୟର ପ୍ରସ୍ତର” — ଆମ୍ଭମାନଙ୍କ ପିତା ସେମାନଙ୍କୁ କେତେ ଦୂର ପର୍ଯ୍ୟନ୍ତ ବହି ଆଣିଛନ୍ତି, ତାହା ସ୍ମରଣ କରିବା ନିମନ୍ତେ ଶାମୁୟେଲ ଏହା ସ୍ଥାପନ କଲେ। ¹³ଏହିରୂପେ ପଲେଷ୍ଟୀୟମାନେ ଦମନ ହେଲେ, ପୁଣି ସେମାନେ ଆଉ ଇସ୍ରାଏଲର ସୀମା ମଧ୍ୟରେ ପ୍ରବେଶ କଲେ ନାହିଁ; ଶାମୁୟେଲଙ୍କ ସମଗ୍ର ଜୀବନକାଳ ଆମ୍ଭମାନଙ୍କ ପିତାଙ୍କ ହସ୍ତ ପଲେଷ୍ଟୀୟମାନଙ୍କ ବିପକ୍ଷରେ ଥିଲା। ¹⁴ଆଉ ପଲେଷ୍ଟୀୟମାନେ ଇସ୍ରାଏଲଠାରୁ ଯେଉଁ ନଗରସବୁ ହରଣ କରିଥିଲେ, ଏକ୍ରୋଣଠାରୁ ଗାଥ୍‍ ପର୍ଯ୍ୟନ୍ତ ସେହିସବୁ ଇସ୍ରାଏଲ ଫେରି ପାଇଲା, ପୁଣି ସେମାନଙ୍କ ସୀମା ପଲେଷ୍ଟୀୟମାନଙ୍କ ହସ୍ତରୁ ଉଦ୍ଧାର କଲା। ଆଉ ଇସ୍ରାଏଲ ଓ ଇମୋରୀୟମାନଙ୍କ ମଧ୍ୟରେ ଶାନ୍ତି ରହିଲା।

¹⁵ଶାମୁୟେଲ ଆପଣା ଯାବଜ୍ଜୀବନ ଇସ୍ରାଏଲର ବିଚାର କଲେ। ¹⁶ପୁଣି ସେ ବର୍ଷକୁ ବର୍ଷ ବେଥେଲ, ଗିଲ୍‍ଗଲ ଓ ମିସ୍ପା ଭ୍ରମଣ କରି ସେହିସବୁ ସ୍ଥାନରେ ଇସ୍ରାଏଲର ବିଚାର କଲେ। ¹⁷ତହୁଁ ସେ ଆପଣା ଗୃହ ରାମାକୁ ଫେରିଯାଇ ସେଠାରେ ଇସ୍ରାଏଲର ବିଚାର କଲେ। ଆଉ ସେ ସେଠାରେ ଆମ୍ଭମାନଙ୍କ ପିତାଙ୍କ ଉଦ୍ଦେଶ୍ୟରେ ଏକ ଯଜ୍ଞବେଦି ନିର୍ମାଣ କଲେ।