Nang Ding Thiraangnu
David om Kalum Laa, maan Judah om ramhaang bi ongnu kaan bi.
Judah om ramhaang bi hiak thangnu, habei ga thiraang ga bataknuwe. David na haga pi khai rwe: tui maaknu talei ram na tui thiraangnu danga, apum brumza na Bapa ding thiraang nge, khatle maanna chonghen kriangnu ga ringnu kum ma le inkunu gaye diga rinne, zingpha bakhwa sei sung bi Maan ding baningsuga.
63 1Apa, Nang Apa gaye; eina asung brumza Nang ding zong nge. Tui maaknu, thit khatle riangrenu talei ram bi, akatha na Nang ding thiraang nge, apum brumza Nang ding langza nge. 2Atibriakpina eina Bathiangnu riak bi Nang ding phaang rwe, khatle Naom ngam khatle Naom lwat liannu mu rwe. 3Naom chonghen kriangnu ga ringnu kum ma inkunu briakpina, alei na Nang ding swanne. 4Atibriakpina eina ring ong basaan Nang ding rithoi pi thangne; Nameng bi akut ding basaang la phaangkalune. 5Akatha na kasanu bachamnu thaisaak danga imba rwe, khatle karonu alei na amun na Nang ding swanne.
6Eina aria bi Nang ding baningsunu kaan bi, khatle zingpha bakhwa sei sung bi Nang lang bi baning ong nge. 7Balangbe Nang ga aom paang thangnupa to rwe, khatle Nabatha om lim bi eina karoga laa tone. 8Akatha na Nang bi kabet thang ongme; Nakut bazek na ating choitipka choiye.
9Atiyeda aom ringnu braan thang lang zongnu nun ga, talei ram om kathuknu riak la basaam damlune. 10Bani ding kachaak chem khou pi thanglune; bani ga ram khouring om thaisaak to lune. 11Atiyeda krwang ga ani Pa khou karo lune; ani Pa meng bi karen tonu mi bing ga karo bacham lune, balangbe chong karwaknu nun om mun bing ga khwam thanglune.