No Ce Thiri Kesü
David chele, pü Judah nhatsalü keba hitülü.
Hio Judah nhatsalü thopü, sülü thiri kethozo ba. David süo süve: pü püthi püpho metü pü Po ce cejü kesao jü ce thiri bi lüyo, mu pü kekhrü tüsozho ceri veku zi po, bavüdoolü pü medi.
63 1Apo, No a Po zo; I amelü metülü No ce menyü yo. A khri No ce thiri, a püthi püpho metü No ce lüyo, jü bamo kesao mu kümüzhe cejülü. 2Süla I kereshücelü No ce pede benyirei tazo, mu N keku mu N zapozale ngozo. 3Kekrelamori N jütsüjükho kekhrü tüsozho ceri vekuzo, a mülü No ce chuto. 4Süla i rhüh keba the No ce tsüto; N zalü i abe müsü süto. 5A khri themu keveko tibi megu, mu kenü mülülü a ta No ce chu süto.
6I a rüce lü No ce rekra lize, mu tüzü thothü bavüdoolü No ce medi. 7Kekrelamori No a khrühi zota, mu N usi kesolü i nü de tsale thiyo. 8A khri No ce ukeyhu; N be kerekrüo iyo chotsükeyi.
9Vele a tüsozho dorhü menyü ketako cejü kerelü küzholü süto. 10Puko zecho ce süyi tato; puko kecejü khonuko la themu tato. 11Vele kedeoe ha Polü nüyo; ha Polü reshu ketako metü rethu shuyo, kekrelamori kemedamiko ta sileo.
