Lampui Kani, Baloinu Pham Kani
Ani Pa om mi nun om kalumnu chongdip khatle laa chongdip—lwat liannu swannu, lio laa, swankanu, khatle balumsanu om kalum laa raza somnga, misa lungning om bakaan dai bazega, ani Pa meithaan bi batak takka pi thang nge.
1 1Sa maknu nun om daan bi se ong makka, noh mi nun lak pi han ong makka, kakhamnu nun om kaong riak pi ong maknu maan ga aih sanuwe, 2Atiyeda maan ga ani Pa om chongtan bi karowe, khatle Baom chongtan bi ni le zingpha le maanna ningting nge. 3Maan ga tui lwang bing bakim bi ling thangnu thingkung danga ye, haga bakaan chaga bakraa kraaye, khatle banaa ga lwam make— atiga maanna tonu bing ga lian thou nge.
4Sa maknu nun ga hadanga make! Bani ga thiraangna phunta damnu baraang danga ye. 5Atibriakpina sa maknu nun ga chong kasemnu bi han ong ngamlaye, ririak senu nun om karung bi noh mi nun le han ong ngamlaye. 6Balangbe ririak senu nun om lampui ding ani Pa na ngaake, atiyeda sa maknu nun om lampui ga braanlune.