Tongbang Asükümba
Kentenurtem tongtiba asoshi. Dawid shisatsü ken ka. Kodang Edom nunger Doegi arua Saul dang ashi, “Dawid Ahimelek kidangi aoogo.”
Shir putirtem indang Sauli dang shiba Doegi dak shilokja aso. Achitsü o meimer aser pei sasa rongsen dak amanger nisung ta pa dang ashi; aser pa pei süki nungi rakzüka anitet alitsü ta shir. Saka ken atensangbo asen Tebu ki nung oliv süngdong ama meir.
52 1Kechiba na tamajung indang asükümer, tashi taitba? Asen Tebu temeim yimlibilem anogo ajonga alir.
2Ne tongbangi tesamatsü shisadanger, kusünok tait ama, na tekülakba. 3Nai tajung dang nungi tamajung meimer, aser shitak jembiba dang nungi tekülakba meimer.
4Nai achitsü o ajak meimer, na tekülakba tongbang. 5Saka Tebui na teti raksatsütsü; pai na rakzüka ne süki nungi anitettsü; taküm aliba lima nungi pai na agizüktsü.
6Temeshitem angu aser tsübutsü; parnoki pa dak menüa ashitsü, 7“Iba nisung reprangang, shibai Tebu pei jenokdak meinyak, saka pei rongsen tulu dak amanga, aser tangartem samatsü agi tashi ita aküm.” 8Saka ni, Tebu ki nung meiba aliba oliv süngdong ama lir; ni teti tatem makai Tebu temeim yimlibilem dak amanger. 9Ni teti ne nüng asangtsü, nai inyakba asünung; ne akhümtsüburtem madang ni ne tenüng nung imlatsü, kechiyong aji tajung lir.