Mon Uporte Ekta Mohor
Maiki tu itcha kore, tai laga morom manuh khan pora ghin nakori kene khula-khuli dikhabole parile bhal hoile, aru tar mon uporte ekta mohor nisena tai ke rakhibole koi. Morom tu mrityu nisena takot ase, amar Pitri laga jui, jun ke baan pora numai bole napare aru poisa pora sharam he dibo. Tai nijor pora basi loise.
8 1Oh, tumi moi nimite ekjon bhai nisena hoile bhal thakibo, kun moi laga ama laga dudh khaise! Jodi moi tumi ke bahar te lok paile, moi tumi ke chuma dibo, aru kun bhi moi ke ghin nakoribo. 2Moi tumi ke loijabo aru moi laga ama laga ghor te anibo—kun moi ke sikhaise. Moi tumi ke masala mila angur ros khabole dibo, moi laga dalim laga ros. 3Tar baya hath moi laga matha niche te ase, aru tar dyna hath pora moi ke dhori ase. 4Moi tumikhan ke koi ase, Jerusalem laga chukri khan: morom ke na jagabi aru na uthabi
5Mru-bhumi pora, tai morom kora jon uporte bhor di kene uthi aha, eitu kun ase? Apple ghas nichete moi tumi ke uthaise; ta te tumar ama tumi nimite jonom bikha paise, ta te tumi ke jonom diya tai bikha paise.
6Moi ke tumar mon uporte ekta mohor nisena, tumar hath uporte ekta mohor nisena rakhibi; kilemane morom mrityu nisena takot ase, tai laga irsha kobor nisena na-chara ase. Eitu jui nisena jolise, eitu to amar Pitri laga asol jui ase. a a v6 Yate morom laga jui to Isor nijor laga nam pora rakhise — eitu morom amar Pitri laga asol jui pora jolise, kun sob hosa aru kitia bhi na-bojha morom laga sob pora gohira utpatti ase. 7Bisi pani pora bhi morom ke bojabo napare, aru nodi khan pora bhi eitu ke dhoi loijabo napare. Jodi ekjon manuh pora morom nimite tar ghor laga sob dhun dile, eitu ke pura hela koribo.
8Amikhan laga ekjon chutu bhoini ase, aru tai laga dudh nai ase. Tai ke bia nimite manga din te, amikhan laga bhoini nimite amikhan ki koribo? 9Jodi tai ekta deyal ase, amikhan tai uporte chandi laga ekta tower bonabo; kintu jodi tai ekta dorja ase, amikhan tai ke deodar laga takta pora bondh koribo.
10Moi ekta deyal thakise, aru moi laga dudh khan tower nisena thakise; tetiya tar suku te moi shanti pua ekjon nisena hoise. 11Baal-hamon te Solomon laga ekta angur bagan thakise; tai eitu ke kheti kora manuh khan ke bhara dise, aru sob manuh pora eitu laga phol nimite 1,000 chandi tukra anibole thakise. 12Moi laga angur bagan, moi nijor laga, moi laga age te ase. 1,000 to tumar ase, Solomon, aru 200 to eitu laga phol rokhiya kora khan nimite.
13Bagan khan te thaka tumi, moi laga sathi khan tumar awaj huni bole ase; moi ke eitu hunibole dibi.
14Joldi ahhibi, moi laga morom, aru masala laga pahar khan uporte ekta horin nisena nahole ekta jawan horin nisena hoi jabi.