Kesta Pora Uthai Luwa
Gana cholawoni manuh karne. David laga ekta bhajan.
Etu age pora diya ekta bachai pora shuru hoi: kecha pora uthai dise, theng khan pathor uporte khara kori dise, ekta notun gana. Tar pichete etu age phale ghure, kilemane bolidan pora bhi kotha mana to bisi bisare — aru etu tinu bhi dukh te thaki kene khotom hoi, gini napara paap khan logote, tar Pitri ke joldi koribole mangi kene.
40 1Moi dhoirjo pora amar Pitri ke rukhi thakise; Tar moi phale ghuri kene moi laga kanda hunise. 2Tar moi ke nosto laga gatta pora, lesera mati pora uthai loise; Tar moi laga theng patthor uporte rakhise, moi laga khuj khan ke mojbut kori dise.
3Tar moi laga mukh te notun gana ekta dise, amar Pitri ke mohima diya gana. Bisi manuh dekhibo aru bhoi koribo, aru amar Pitri ke biswas koribo. 4Jun manuh amar Pitri ke nijor biswas banai, jun ohankari khan phale aru misa piche kura khan phale naghure, hei manuh dhonyo ase.
5Moi laga Pitri, Apuni kora asurit kaam khan bisi ase, aru amikhan phale Apuni laga bhabona khan; kun bhi Apuni logote tulona koribo napare. Jodi moi eitu khan koi kene janai dile, eitu khan ginti koribo napara nisina bisi hobo. 6Bolidan aru daan Apuni itcha kora nai, kintu Apuni moi laga kan khuli dise. Jolai diya bolidan aru paap laga bolidan Apuni bisara nai. 7Tetiya moi koise, “Sabi moi yate ase, moi ahhise— kitab laga lamba kagos te moi laga kotha likha ase.”
8Moi laga Pitri, Apuni laga itcha kori bole moi itcha kore; Apuni laga niyom moi laga mon bhitor te ase. 9Moi dangor sabha te dharmikota laga susomachar prachar korise; moi laga mukh bondh kora nai, moi laga Pitri, Apuni jani ase.
10Moi Apuni laga dharmikota moi laga mon bhitor te lukuwa nai; moi Apuni laga biswasjogota aru Apuni laga poritran laga kotha koise. Moi Apuni laga vachan laga morom aru Apuni laga hosa dangor sabha pora lukuwa nai. 11Moi laga Pitri, Apuni laga norom morom moi pora narakhibi; Apuni laga vachan laga morom aru Apuni laga hosa hodai moi ke bachai thakibi.
12Kilemane ginti koribo napara digdar khan moi ke gheri loise; moi laga paap khan moi ke dhori loise, aru moi dekhibo napare. Eitu khan moi laga matha laga chuli pora bhi bisi ase, aru moi laga mon haar mani jaise. 13Moi laga Pitri, daya kori kene, moi ke bachai dibi; moi laga Pitri, joldi kori kene moi ke modot koribi. 14Jun khan moi laga jibon lobole bisare, taikhan sorom aru beijjoti hobo dibi; jun khan moi laga nosto itcha kore, taikhan ke beijjoti pora wapas pathai dibi.
15Jun khan moi ke, “Aha! Aha!” koi, taikhan nijor laga sorom te acharit hobo dibi. 16Kintu jun khan Apuni ke bisare, taikhan khushi aru Apuni te anondo koribo dibi; jun khan Apuni laga poritran ke morom kore, taikhan hodai kobo dibi, “Amar Pitri dangor ase!” 17Moi hoile, moi gorib aru dukhiya ase; Adhikar thaka Pitri moi ke bhabi lobi. Apuni moi laga modot aru moi laga bachai diya ase; deri nakoribi, moi laga Pitri.