Job pora tar sathi khan ke jawab diya
Iyob tai laga sathi khan ke kaam nathaka bayed koi jun misa kotha pora chuna lagai diye, aru hosiyar kori diye je bemani pora tai laga phale khara hoile Isor tumikhan ke dhanyabad nadibo. Tai nijor kotha Isor logot nijor pora bisar koribo mon ase: jodi Tai moike morai dile bhi, moi Tai uporte asha koribo. Aru tai pichete, Apuni laga chehera kele lukai ase?
13 1“Sabi, moi laga suku pora eitu sob dikhise; moi laga kaan pora hunise aru bujise.” 2Tumikhan ki jane, moi bhi jane; moi tumikhan pora komti nohoi. 3Kintu moi Sorbo-shoktiman ke kobo, aru moi laga kotha Isor logot te koribole bisi itcha kori ase. 4Kintu tumikhan misa pora leep lagai ase; tumikhan sob eku kaam nathaka daktar khan ase. 5Jodi tumikhan ekdom chup-chap thaki bo pare—eitu 6Etiya moi laga kotha huni bi, aru moi laga oth laga binti huni bi. 7Tumikhan Isor nimite misa kobo naki aru Tar nimite thogai kene kotha kobo naki? 8Tumikhan Tar phale he thakibo naki? Tumikhan Isor nimite kotha koribo naki? 9Jitia Tar pora tumikhan ke sai lobo, tetiya tumikhan nimite bhal hobo naki? Nahole manuh ke thoga nisena Tar ke bhi thogaibo paribo naki? 10Jodi tumikhan lukai kene kunba phale korile, Tar pora nischoi tumikhan ke gali dibo. 11Tar laga mohima pora tumikhan ke bhoi nalagabo naki, aru Tar laga bhoi tumikhan uporte nahhibo naki? 12Tumikhan laga gyaan kotha khan chaarabhasma laga misal ase; tumikhan laga roksha khan mati pora bona ase.
13“Moi laga age te chup thakibi, aru moike kobole dibi; ki ahhibo eitu moi uporte giri bole dibi.” 14Moi kele moi laga nijor gau-mangso ke khatra te rakhibo aru moi laga jivon moi laga nijor hath te lobo? 15Jodi Tar pora moike morai dile bhi, moi Tar uporte asha koribo; hoilebi moi laga rasta khan Tar age te bachai lobo. a a v15 Tar birodh kora somoi te bhi, Job laga biswas Isor phale ghuri ase. Pura sombondh laga dangor khuli juwa pasot te ahhe — kitab laga shesh te Job pora amar Pitri ke mukh-a-mukh dikhise. 16Eitu bhi moi laga mukti hobo, kilemane kunba Isor najana manuh Tar age te ahhibole himmat nakoribo. 17Moi laga kotha bhal pora huni bi; moi laga ghosona tumikhan laga kaan te pohochibole dibi. 18Sabi, moi laga kotha moi taiyar kori loise; moi jane moi niradosh hobo. 19Kun moi logot te jhagra koribo? Kilemane tetiya moi chup thaki kene mori jabo.
20“Khali duita jinis moike dibi, aru tetiya moi Apuni laga mukh pora nijorke nalukabo:” 21Apuni laga hath moi pora dur te hatai dibi, aru Apuni laga bhoi pora moike nabhoi koraibi. 22Tetiya mati bi, aru moi jawab dibo; nahole moike kobole dibi, aru Apuni moike jawab dibi. 23Moi laga golti aru moi laga paap khan kiman ase? Moi laga bidroh aru moi laga paap moike dikhai dibi. 24Apuni kele Apuni laga mukh lukai ase aru moike Apuni laga dushman nisena ginti kori ase? 25Apuni hawa pora uri juwa pata ekta ke bhoi dikhabo naki aru sukha bhusa laga pichete khedabo naki? 26Kilemane Apuni moi birodh te tita kotha khan likhe aru moi jawan somoi laga paap khan moike uttoradhikar kori diye. 27Apuni moi laga theng ke beri te bandhi diye aru moi laga sob rasta khan ke sai ase; Apuni moi laga theng tola nimite ekta simana rakhi diye.
28“Thik etu nisena manuh putaa khuri nisena khotom hoi jai, poka pora khuwa kapor nisena.”