स्तोत्रसंहिता 150

150 ¹ हालेलूया! त्याच्या पवित्रस्थानात आमच्या पित्याची स्तुती करा; त्याच्या सामर्थ्यशाली विस्तारात त्याची स्तुती करा. ² त्याच्या पराक्रमी कृत्यांबद्दल त्याची स्तुती करा; त्याच्या असीम महानतेप्रमाणे त्याची स्तुती करा. ³ मेंढ्याच्या शिंगाच्या नादाने त्याची स्तुती करा; वीणा व सतार यांनी त्याची स्तुती करा. ^a a v3 शोफार हे मेंढ्याच्या शिंगाचे रणशिंग असून इस्राएलच्या सणांत व सभांमध्ये ते वाजवले जात असे — त्याचा नाद लोकांना आमच्या पित्यासमोर सावध होण्यास पाचारण करी. ⁴ डफ व नृत्याने त्याची स्तुती करा; तंतुवाद्ये व बासरी यांनी त्याची स्तुती करा. ⁵ नादमय झांजांनी त्याची स्तुती करा; घणघणणाऱ्या झांजांनी त्याची स्तुती करा. ⁶ ज्याला श्वास आहे अशा प्रत्येकाने आमच्या पित्याची स्तुती करावी. हालेलूया!