Hallelujah
Kakhanema laa hi ithumwui Avāli sochikatwui khuiphokkhai kakhanema — kathara shim kala kazingram, talla̱khon, tingteilā, timbrel, rilung, khong, kala kortar ayur khani — chiwui alungli ngahānkāmi khikha maleila ngacheikhami khikha maleimana. Kasā khavai hokahai khayon akhamāng chi khaksuina.
150 1Hallelujah! Awui katharapamli ithumwui Avāli solu; awui hakkhamahā khamasaili ali solu. 2Awui hakkhamahā otsakwui vang ali solu; awui makhavāta reikhamatai athishurda ali solu. 3Talla̱khon eina ali solu; tingteilā kala lyre eina ali solu. a a v3 Talla̱ chi Israelwui morkasong kala yarui kazipbingli khongkahai yaovāngajiwui talla̱na — awui khonna mibingli ithumwui Avāwui mangāli ning ngashar khavai kaona. 4Timbrel kala pheijak eina ali solu; tingteilā kala sipa̱ eina ali solu. 5Ningsanglak kortar eina ali solu; khangatatei kortar eina ali solu. 6Khaksui kasuia kachiva̱ saikorana ithumwui Avāli soranu. Hallelujah!
