Haleluya
Nokbü saopobü laa kho seneibü Bou to haübü thonbü che ki—lemshang si müh, teklaang, pithung, busen, pit kongkin, laangkip kongkin hoba laa nyibang—khübü ka onat ayingsi suabü ai ayingmeen. Nyen weanbü hau cheham kho hakhin ki.
150 1Haleluya! Seneibü Bou haoeibü lemshanga sangashi; hao haoeibü hau kibü mühkoma sangashi. 2Haoeibü hau kibü kümsilei shanga hao sangashi; haoeibü apsilebü yaangbü thüng hao sangashi. 3Teklaang metbü langei hao sangashi; kongkin si pithung langei hao sangashi. a a v3 Shofar kho sanlon laangeibü teklaang ki, kho Israelbü lemlembü hoba mütshuong shaubü yunga metda; khünei metbü ngühei mütshuong to seneibü Bou thedanga damanchühla shanga ngabei. 4Busen hoba tombolakko langei hao sangashi; pitbü kongkin si laangkip kongkin langei hao sangashi. 5Ngühbü kaangbü laa langei hao sangashi; ngüh yaangbü kaangbü laa langei hao sangashi. 6Hakhin kibü pendouei seneibü Bou sangashi. Haleluya!
