یالانچی پیغمبرلره قارشی اوره‌یئنئزی قورویون
علامتی دوغرو چیخان بئر پیغمبر بئله، اگر دسه کی، آیری آللاهلارین دالینجا دوشون، رد ادئلئر؛ آتانیز ائمتاحان ادئر کی، اونو بوتون اوره‌یئنئزله سِوئب-سِومه‌دئیئنئزی بئلسین. عزیز بئر قارداش، آرواد یا دوست اوچون، و بوتون بئر شهر اوچون ده اِله‌دئر: بو، ائسرایئل اوچون ان بؤیوک تهلوکه‌دئر.
13 1اگر آرانیزدا بئر پیغمبر یا یوخو گؤرن قالخیب سئزه بئر علامت یا مؤجوزه ورسه، 2و ددئیی علامت یا مؤجوزه دوغرو چیخسا و دسه: «گلئن تانیمادیغینیز آیری آللاهلارین دالینجا دوشوب اونلارا قوللوق ادک»، 3او پیغمبرئن یا یوخو گؤره‌نئن سؤزلرئنه قولاق آسمایین. آتانیز سئزی ائمتاحان ادئر کی، آتانیزی بوتون اوره‌یئنئزله و بوتون جانینیزلا سِوئب-سِومه‌دئیئنئزی بئلسئن. 4آتانیزین دالینجا گدئن، اوندان قورخون، امرلرئنه عمل ادئن، سؤزونه قولاق آسین، اونا قوللوق ادئن و اونا یاپیشین. 5او پیغمبر یا یوخو گؤرن اؤلدورولمه‌لی‌دئر، چونکی سئزی مئصئردن چیخاردان و قوللوق اِوئندن قورتاران آتانیزین ضئدّئنه عوصیان دانیشدی، اله کی، سئزی آتانیزین گتمه‌یه امر اتدئیی یولدان دؤندَ‌رسئن. بله‌جه آرانیزدان بو پئسلئیی سئلئن.
6اگر قارداشین، آنانین اوغلو، یا اوغلون، یا قیزین، یا قوجاغیندا اولان آروادین، یا جانین کئمی عزئز اولان دوستون سنی گئزلئجه آلدادیب دسه: «گلئن گدئب باشقا آللاهلارا قوللوق ادک» - نه سنئن، نه ده اجدادلارینین تانیمادیغی آللاهلارا، 7یعنی سنئن اطرافیندا اولان خالقلارین آللاهلاریندان، یاخین اولسون یا اوزاق، یرئن بئر اوجوندان او بئری اوجونا قدر اولان آللاهلاردان. 8اونا راضی اولما و قولاق آسما؛ اونا رحم اتمه، اونو قیماما و گئزلتمه. 9یوخ، سن اونو حتمن اؤلدورمه‌لی‌سن. اوّلجه سنئن الئن اونا قالخسین، سونرا دا بوتون خالقین الی. 10اونو داشلا اؤلدور، چونکی سنی مئصئردن، قوللوق اِوئندن چیخاردان آتاندان دؤندَرمه‌یه چالیشدی. 11بوتون ائسرایئل بونو اشئدئب قورخاجاق و آرانیزدا بئر داها بله پئس بئر ائش اتمیه‌جک.
12اگر آتانیزین یاشاماق اوچون سئزه وردئیی شهرلردن بئری حاقّیندا بله اشئتسه‌نئز کی، 13آرانیزدان یاراماز آداملار چیخیب اؤز شهرلرئنئن اهالئسئنی آزدیریب دیئبلر: «گلئن گدئب تانیمادیغینیز باشقا آللاهلارا قوللوق ادک»، 14اوندا آختاریب، ائمتاحان ادئب دئقّتله سوروشون. اگر دوغرو اولسا و آرانیزدا بو ائیرنج ائشئن اولوندوغو تصدئق اولسا، 15او شهرئن اهالئسئنی قیلینجدان کچئرمه‌لی‌سئنئز، اونو، ائچئنده اولان هر شیی و حیوانلارینی قیلینجدان کچئردئب کامئل محو ادئن. 16اونون بوتون تالان مالینی میدانینین اورتاسینا ییغین، شهری و بوتون تالان مالینی آتانیزا بئر یاندیرما قوربانی کئمی اودلا یاندیرین. او، ابدی اولاراق خارابا قالاجاق، بئر داها تئکئلمیه‌جک. 17محو ادئلمه‌یه وقف اولونان هچ بئر شی الئنه یاپیشماسین کی، آتانیز اؤز آلیشان قضبئندن دؤنوب سئزه مرحمت گؤرسدسئن، سئزه رحم اتسئن و اجدادلارینیزا آند ائچدئیی کئمی سئزی چوخالتسین، 18اگر آتانیزین سؤزونه قولاق آسیب، بو گون سئزه امر اتدئیئم بوتون امرلرئنی ساخلایاسینیز و آتانیزین گؤزونده دوز اولانی اده‌سئنئز.
