فیض سخاوتئن واسئطه‌سئله داشیر
بئر ائل بوندان قاباق باشلانان یاردیم ییغیمی حله ده تامام‌لانماییب. پولوس اونو امر اتمکدن ائمتئناع ادر. او، یوخسول و موصئبت ائچئنده اولان مقدونئیه‌لی‌لری گؤرسدر کی، آتامیزین فیضی ائله گوجلرئندن آرتیق وردئلر، فقط کئلئسالار آراسیندا اینصاف ائسته‌یئر و تئطوسو شاهئدلرله گؤندَ‌رئر کی، هچ کس پول حاقّیندا سؤز دیئه بئلمه‌سئن.
8 1ای قارداشلار، ائسته‌یئرئک کی، مقدونئیّه کلئساللاریندا ورئلن آتامیزین فیضئندن خبردار اولاسینیز. 2اونلار بؤیوک موصئبتله ائمتاحانا چکئلَنده، داشان شادلیقلاری و درئن یوخسوللوقلاری وارلی بئر سخاوتله داشدی. 3چونکی شهادت ورئرم: اونلار گوجلری چاتدیغی قدر، حتّا داها آرتیق، تامامن اؤز گؤیلو ائله وردئلر. 4موقدّسلره خئدمت اتمک لوطفو و شراکتی اوچون تعجئلله بئزه یالواریردیلار. 5بو، بئزئم گؤزله‌دئیئمئز کئمی اولمادی؛ اونلار آتامیزین ائراده‌سی‌ائله، اوّل اؤزلرئنی ربّه، سونرا دا بئزه وردئلر. 6اونا گؤره بئز تئطوسو تشوئق اتدئک کی، باشلادیغی بو فیض ائشئنی سئزئن آرانیزدا دا تاماملاسین. 7آمّا نجه کی، سئز هر شیده اوستونسونوز، ائماندا، سؤزده، معرئفتده، هر جور جانفئشانلیقدا و سئزه بسله‌دئیئمئز محبّتده، بو سخاوتلی تقدئمده ده اوستون اولماغا چالیشین. 8بو، بئر امر دیئل؛ من اؤزگه‌لرئن جانفئشانلیغی ائله سئزئن محبّتئنئزئن حقئقی اولدوغونو ائمتاحان ادئرم. 9ربّئمئز عئسا مسئحئن فیضئنی بئلئرسئنئز؛ او، وارلی ائدی، آمّا سئزئن اوچون یوخسول اولدو کی، اونون یوخسوللوغو ائله سئز وارلانیسینیز. 10بو باره‌ده منئم فئکرئم بودور: بو، سئزئن خیرینیزه‌دئر، ای سئز کی، بئر ائل بوندان قاباق فقط بونو اتمه‌یه یوخ، بلکه ائسته‌مه‌یه ده باشلادینیز. 11ائندی اتمه‌یی ده تاماملایین کی، اونو ائسته‌مه‌یه اولان حوصله‌نئز کئمی، وارینیزا گؤره اونو باشا دا چاتدیراسینیز. 12اگر حوصله وارسا، هر کس نه‌یه مالئکدئر، اونا گؤره مقبولدور، نه‌یه مالئک دیئل، اونا گؤره یوخ. 13من بونو دمئرم کی، اؤزگه‌لر راحاتلیق تاپسین، سئز ده یوک آلتیندا قالاسینیز، آنجاق برابرلئک اولسون. 14ائندی سئزئن آرتیغینیز اونلارین احتئیاجینی قارشیلاسین کی، اونلارین دا آرتیغی سئزئن احتئیاجینیزی قارشیلاسین و بله‌جه برابرلئک اولسون. 15نجه کی، یازیلیب: «چوخ ییغانین آرتیغی اولمادی، آز ییغانین دا اَسکئیی اولمادی.»
تئطوس جانفئشان قیدله گؤندَ‌رئلئر
16آتامیزا شوکور اولسون کی، سئزئن قیدینیزه قالدیغیم همئن جانفئشانلیغی تئطوسون اوره‌یئنه ده قویدو. 17چونکی او فقط بئزئم رئجامیزی قبول اتمکله قالمادی، بلکه اؤزو داها دا جانفئشان اولوب اؤز ائسته‌یی ائله سئزئن یانینیزا گدئر. 18اونونلا بئرلئکده او قارداشی گؤندَ‌رئرئک کی، ائنجئل ائشئنده بوتون کلئساللار آراسیندا تعرئفلنئب. 19فقط بو دا دیئل، بلکه کلئساللار دا اونو تعیئن اتدئلر کی، باشا چاتدیردیغیمیز بو سخاوتلی تقدئمده بئزئمله سفر اتسئن، همئن تقدئم کی، ربّئن اؤز جلالی و بئزئم حوصله‌مئز اوچوندور. 20بئز بو ائشی بله گؤروروک کی، باشا چاتدیردیغیمیز بو سخاوتلی تقدئم باره‌سئنده هچ کس بئزده قوصور تاپماسین. 21چونکی بئز فقط ربّئن قاباغیندا یوخ، بلکه ائنسانلارین دا قاباغیندا شرافتلی اولان شیه چالیشیریق. 22اونلارلا بئرلئکده او قارداشیمیزی دا گؤندَ‌رئرئک کی، اونو دفه‌لرله ائمتاحان ادئب چوخ شیده جانفئشان تاپمیشیق، ائندی ائسه سئزه بؤیوک یقئنی اولدوغونا گؤره داها دا جانفئشاندیر. 23تئطوسا گلئنجه: او، منئم شرئکئم و سئزئن اوچون ائش یولداشیمدیر. قارداشلاریمیزا گلئنجه: اونلار کلئساللارین ائلچئلری و مسئحئن جلالی‌دیرلار. 24اونا گؤره کلئساللارین قاباغیندا اونلارا محبّتئنئزئن و سئزئن حاقّینیزدا اتدئیئمئز فخرئن ثوبوتونو گؤرسدئن.
