ዘፍጥረት 10

10 ¹የኖኅ ልጆች የሴም፣ የካምና የያፌት ትውልድ ይህ ነው። ከጥፋት ውሃ በኋላም ወንዶች ልጆች ተወለዱላቸው።

²የያፌት ልጆች፦ ጋሜር፣ ማጎግ፣ ማዳይ፣ ያዋን፣ ቶቤል፣ ሞሳሕና ቲራስ ናቸው።

³የጋሜር ልጆች፦ አስከናዝ፣ ሪፋትና ቶጋርማ ናቸው። ⁴የያዋን ልጆች፦ ኤሊሳ፣ ተርሴስ፣ ኪቲምና ሮዳኒም ናቸው። ⁵ከእነዚህ የባሕር ዳር ሕዝቦች እያንዳንዳቸው እንደየቋንቋቸው፣ እንደየነገዳቸውና እንደየወገናቸው በየአገራቸው ተከፋፈሉ።

⁶የካም ልጆች፦ ኩሽ፣ ምጽራይም፣ ፉጥና ከነዓን ናቸው። ⁷የኩሽ ልጆች፦ ሴባ፣ ኤውላጥ፣ ሳባታ፣ ራዕማና ሳባቲካ ናቸው። የራዕማ ልጆች፦ ሳባና ድዳን ናቸው። ⁸ኩሽ ናምሩድን ወለደ፤ እርሱም በምድር ላይ የመጀመሪያው ኀያል ሰው ነበር። ⁹በእግዚአብሔር ፊት ኀያል አዳኝ ነበር፤ ስለዚህ፣ “በእግዚአብሔር ፊት ኀያል አዳኝ እንደ ናምሩድ” ይባላል። ¹⁰የመንግሥቱ መጀመሪያ በሰናዖር ምድር ባቤል፣ አሬክ፣ አካድና ካልኔ ነበሩ። ^a a v10 ሰናዖር ከጊዜ በኋላ ከባቢሎን ጋራ የተያያዘውን አካባቢ ያመለክታል። ¹¹ከዚያ ምድር ተነሥቶ ወደ አሦር ወጣ፤ ነነዌን፣ ሬሆቦት-ኢርን፣ ካላን፣ ¹²በነነዌና በካላ መካከል ያለችውን ራሰንንም ሠራ፤ ይህቺም ታላቂቱ ከተማ ናት። ¹³ምጽራይም ሉዲምን፣ ዓናሚምን፣ ልሃቢምን፣ ንፍታሒምን፣ ¹⁴ፈትሩሲምን፣ ከስሉሒምን (ፍልስጥኤማውያን የወጡበትን)ና ከፍቶሪምን ወለደ።

¹⁵ከነዓን በኵር ልጁን ሲዶናን፣ ኬጥንም፣ ¹⁶ኢያቡሳውያንን፣ አሞራውያንን፣ ጌርጌሳውያንን፣ ¹⁷ኤዋውያንን፣ አርከዓውያንን፣ ሲናውያንን፣ ¹⁸አራዳውያንን፣ ጸማራውያንንና አማታውያንን ወለደ። ከዚያ በኋላም የከነዓናውያን ነገዶች ተበተኑ። ¹⁹የከነዓን ድንበር ከሲዶና ወደ ጌራራ አቅጣጫ እስከ ጋዛ፣ ወደ ሰዶም፣ ገሞራ፣ አዳማና ሰቦይም አቅጣጫም እስከ ላሻ ይደርስ ነበር። ²⁰እነዚህ እንደየነገዳቸው፣ እንደየቋንቋቸው፣ እንደየአገራቸውና እንደየወገናቸው የካም ልጆች ናቸው።

²¹የኤቦር ዘሮች ሁሉ አባት ለሆነውና የያፌት ታላቅ ወንድም ለሆነው ለሴምም ልጆች ተወለዱለት። ²²የሴም ልጆች፦ ኤላም፣ አሦር፣ አርፋክስድ፣ ሉድና አራም ናቸው። ²³የአራም ልጆች፦ ዑፅ፣ ሑል፣ ጌቴርና ማሽ ናቸው። ²⁴አርፋክስድ ሳላን ወለደ፤ ሳላም ኤቦርን ወለደ። ²⁵ኤቦር ሁለት ልጆች ነበሩት፤ አንዱ ፋሌቅ ተባለ፤ ይኸውም በዘመኑ ምድር ስለ ተከፋፈለች ነው፤ ወንድሙም ዮቅጣን ተባለ። ^b b v25 ፋሌቅ ማለት “መከፋፈል” ማለት ነው፤ ስሙም በሕይወት ዘመኑ የምድር ሕዝቦች የተከፋፈሉበትን ጊዜ ያመለክታል። ²⁶ዮቅጣን አልሞዳድን፣ ሳሌፍን፣ አሳርሞትን፣ ያራን፣ ²⁷አዶራምን፣ ኡዛልን፣ ዴቅላን፣ ²⁸ዖባልን፣ አቢማኤልን፣ ሳባን፣ ²⁹ኦፊርን፣ ኤውላጥንና ዮባብን ወለደ፤ እነዚህ ሁሉ የዮቅጣን ልጆች ነበሩ። ³⁰ግዛታቸውም ከሚሳ ወደ ሴፋራ አቅጣጫ እስከ ምሥራቅ ተራራማ አገር ይዘልቅ ነበር። ³¹እነዚህ እንደየነገዳቸው፣ እንደየቋንቋቸው፣ እንደየአገራቸውና እንደየወገናቸው የሴም ልጆች ናቸው።

³²እነዚህ እንደየትውልዳቸው በየወገናቸው ያሉ የኖኅ ልጆች ነገዶች ናቸው፤ ከጥፋት ውሃም በኋላ አሕዛብ ከእነዚህ ተነሥተው በምድር ላይ ተበተኑ።