2 ነገሥት 1

1 ¹አክዓብ ከሞተ በኋላ፣ ሞዓብ በእስራኤል ላይ ዐመፀ።

²አካዝያስ በሰማርያ ባለው የሰገነቱ መስኮት መቃን ውስጥ ወድቆ ቈሰለ። መልእክተኞችንም ልኮ፣ “ሄዳችሁ የዔቅሮንን አምላክ ብዔልዜቡብን ከዚህ ጕዳት እድን እንደ ሆነ ጠይቁ” አላቸው።

³ነገር ግን የአባታችን መልአክ ቴስብያዊውን ኤልያስን እንዲህ አለው፤ “ተነሥተህ የሰማርያውን ንጉሥ መልእክተኞች ተገናኝተህ፣ ‘የዔቅሮንን አምላክ ብዔልዜቡብን ልትጠይቁ የምትሄዱ በእስራኤል አባት የለምን?’ ብለህ ጠይቃቸው።

⁴ስለዚህ አባታችን እንዲህ ይላል፤ ‘ከወጣህበት አልጋ አትወርድም፤ በእርግጥ ትሞታለህ።’” ኤልያስም ሄደ።

⁵መልእክተኞቹ ወደ ንጉሡ በተመለሱ ጊዜ፣ “ለምን ተመለሳችሁ?” አላቸው።

⁶እነርሱም እንዲህ ብለው መለሱ፤ “አንድ ሰው ሊገናኘን መጥቶ እንዲህ አለን፤ ‘ወደ ላካችሁ ንጉሥ ተመልሳችሁ እንዲህ በሉት፤ አባታችን እንዲህ ይላል፤ የዔቅሮንን አምላክ ብዔልዜቡብን ልትጠይቁ ሰዎች የምትልኩ በእስራኤል አባት የለምን? ስለዚህ ከወጣህበት አልጋ አትወርድም፤ በእርግጥ ትሞታለህ።’”

⁷ንጉሡም፣ “ይህን ነግሯችሁ ሊገናኛችሁ የመጣው ሰው ምን ዐይነት ነበር?” ብሎ ጠየቀ።

⁸እነርሱም፣ “ጠጕር ያለው ልብስ ለብሶ፣ በወገቡ ላይ የቈዳ መታጠቂያ ታጥቆ ነበር” አሉት። ንጉሡም፣ “ቴስብያዊው ኤልያስ ነው” አለ።

⁹ንጉሡም የኀምሳ አለቃን ከኀምሳ ሰዎቹ ጋራ ወደ ኤልያስ ላከ። አለቃውም ኤልያስ በኰረብታው ራስ ተቀምጦ ሳለ ወደ እርሱ ወጥቶ፣ “የአባታችን ሰው ሆይ፣ ንጉሡ፣ ‘ውረድ’ ይልሃል” አለው።

¹⁰ኤልያስም ለአለቃው መልሶ፣ “እኔ የአባታችን ሰው ከሆንሁ፣ ከሰማይ እሳት ወርዶ አንተንና ኀምሳዎችህን ይበላ” አለ። ከሰማይም እሳት ወርዶ እርሱንና ኀምሳ ሰዎቹን በላ።

¹¹ንጉሡም እንደ ገና ሌላ የኀምሳ አለቃን ከኀምሳ ሰዎች ጋራ ላከ፤ እርሱም፣ “የአባታችን ሰው ሆይ፣ ንጉሡ፣ ‘ፈጥነህ ውረድ’ ይልሃል” አለ።

¹²ኤልያስም መልሶ፣ “እኔ የአባታችን ሰው ከሆንሁ፣ ከሰማይ እሳት ወርዶ አንተንና ኀምሳዎችህን ይበላ” አለ። የአባታችንም እሳት ከሰማይ ወርዶ እርሱንና ኀምሳ ሰዎቹን በላ።

¹³ንጉሡም ሦስተኛውን የኀምሳ አለቃ ከኀምሳ ሰዎቹ ጋራ ላከ። ይህም አለቃ ወጥቶ በኤልያስ ፊት ተንበርክኮ እንዲህ ብሎ ለመነው፤ “የአባታችን ሰው ሆይ፣ እባክህ ነፍሴና የእነዚህ የኀምሳ ባሪያዎችህ ነፍስ በፊትህ ክቡር ይሁኑ። ¹⁴ከሰማይ እሳት ወርዶ ሁለቱን የቀድሞ አለቆች ከኀምሳ ሰዎቻቸው ጋራ በልቷል። አሁን ግን ነፍሴ በፊትህ ክቡር ይሁን።”

¹⁵የአባታችንም መልአክ ኤልያስን፣ “ከእርሱ ጋራ ውረድ፤ አትፍራው” አለው። ስለዚህ ኤልያስ ከእርሱ ጋራ ወደ ንጉሡ ወረደ።

¹⁶ንጉሡንም እንዲህ አለው፤ “አባታችን እንዲህ ይላል፤ የዔቅሮንን አምላክ ብዔልዜቡብን ልትጠይቅ መልእክተኞችን ላክህ፤ ቃሉን ልትጠይቅ በእስራኤል አባት የለምን? ስለዚህ ከወጣህበት አልጋ አትወርድም፤ በእርግጥ ትሞታለህ።”

¹⁷አካዝያስም አባታችን በኤልያስ በኩል በተናገረው ቃል መሠረት ሞተ። አካዝያስ ወንድ ልጅ ስላልነበረው፣ በይሁዳ ንጉሥ በኢዮሣፍጥ ልጅ በኢዮራም በሁለተኛው ዓመት፣ ኢዮራም በእርሱ ፋንታ ነገሠ። ¹⁸የአካዝያስም ሌሎች ሥራዎች፣ ያደረገው ሁሉ፣ በእስራኤል ነገሥታት ዜና መዋዕል መጽሐፍ ተጽፈው የሉምን?