Mukitami ku Ngati
Kikuma kya mfumu wa kizamba: bwosu bwa «Yembi ha miti mya kyana». Mukunga dya Tavidi. Mukunga wa wolu, muna tangwa Bafilisiti bámukwata ku Ngati.
Wákwatwa kwena Bafilatu ku Ngati amana wádyatikiswa kilumbu kyosu, Tavidi kisi lomba ni matsanga mandi makutikiswa mu nganza amana masonikwa mu mukanda. Mbala zodi kisi vutila ndinga yandi ya kusyamisa: muna Tata wama yisi kwikila — biki mutu kafwani kuhanga kwena meni?
56 1Ngyukila kyadi, A Tata, mukuma batu bisi ndyatikisa; kilumbu kyosu mbeni wisi nwanisa. 2Bambeni bama bisi ndyatikisa kilumbu kyosu; batu ba lawu bisi nwanisa mu lulendu lwa bawu. 3Muna tangwa yikala yi bweya, yisi sya mbundu yama mwena ngeyi.
4Mwena Tata wama, wuna ndinga yandi yisi zatula— mwena Tata wama yisi sya mbundu; yiyúkaku bweya. Biki mutu kafwani kuhanga kwena meni? 5Kilumbu kyosu bisi sobisa ndinga zama; mabanza ma bawu moosu matadidini meni menina ma mbi. 6Bisi kutakana kumosi, bisi leya; bisi kengila ndyatidi yama, ndangu babonga luzingu lwama.
7Bakatína kikuma kya mambu ma mbi ma bawu? Mu khabu, kulumuna bikanda, A Tata. 8Ngeyi wátanga nzietulu zama zoosu; sya matsanga mama mu nganza yaku. Keti mawu menina mu mukanda waku ku?
9Buna bambeni bama bakavútuka ku nima muna tangwa yisi tela. Dyadi yizayi: ni Tata wama kenina ha ndambu yama. 10Mwena Tata wama yisi zatula ndinga yandi; mwena Tata wama yisi zatula ndinga yandi.
11Mwena Tata wama yisi sya mbundu; yiyúkaku bweya. Biki mutu kafwani kuhanga kwena meni? 12Ndefi zaku zenina hana thandu yama, A Tata; yikatámbika makabu ma matondu kwena ngeyi. 13Mukuma ngeyi wáhulula moya wama mu lufwa—eeh, malu mama mu kubwa— ndangu yadyatila ku thwala ya Tata wama mu mwini wa luzingu.
