ሰረገላታት ዘይኮነ፥ ስሙ ደኣ
ንመራሒ ዘማሪ። መዝሙር ዳዊት።
እቲ ጉባኤ ነቲ ንጉስ ናብ ውግእ ከይወፀ ከሎ ይፅልየሉ፦ መባእካ ይዘከር፥ ሓሳብካ ይፈፀም፥ ልማኖኻ ይመለስ። እቲ ለውጢ ኣብ ማእኸል ይመፅእ — ገሊኦም ብሰረገላ፥ ገሊኦም ድማ ብኣፍራስ ይእመኑ፥ እዞም ህዝቢ እዚኣቶም ግና ብስም ኣቦና ይኣምኑ።
ምዕራፍ 20።
20 1ኣቦና በታ መዓልቲ መከራ ይምልሰልካ፤ ስም ኣምላኽ ያእቆብ ይሓልወካ። 2ካብ መቕደስ ሓገዝ ይስደደልካ፤ ካብ ፅዮን ድማ ይደግፈካ። 3ኵሉ መባእኻ ይዝክር፤ ነቲ ዝቃፀል መስዋእትኻ ድማ ብሞገስ ይርኣዮ። 4ትምኒት ልብኻ ይሃብካ፤ ኵሉ ሓሳብኻ ድማ ይፈፅመልካ።
5ብምድሓንካ ዕልል ክንብል ኢና፤ ብስም ኣቦና ድማ ሰንደቕ ዕላማና ልዕል ከነብል ኢና። ኣቦና ኵሉ ልማኖኻ ይፈፅመልካ። 6ኣቦና ንመሲሑ ኸም ዘድሕን ሕዚ ፈለጥኩ፤ ካብ ቅዱስ ሰማዩ ብዘድሕን ሓይሊ የማነይቲ ኢዱ ይምለሰሉ። 7ገሊኦም ብሰረገላ፥ ገሊኦም ድማ ብኣፍራስ ይእመኑ፤ ንሕና ግና ብስም ኣቦና ንኣምን። 8ንሳቶም ተምበርኪኾም ይወድቁ፤ ንሕና ግና ተሲእና ንፀንዕ። 9ኦ ኣቦ፥ ንንጉስ ኣድሕን! ክንፅውዕ እንተለና መልሰልና።
