نه رتهونه، بلکې د هغۀ نوم
د موسيقۍ د مشر دپاره. د داؤد يو زبور.
جماعت د پاچا لپاره مخکې له دې چې جګړې ته ووځي دعا کوي: ستا نذرانې دې یادې شي، ستا پلانونه دې پوره شي، ستا غوښتنې دې ومنل شي. په منځ کې بدلون راځي — نور پر جنګي ګاډو او اسونو باور کوي، خو دا خلک د زمونږ پلار پر نوم باور کوي.
20 1زمونږ پلار دې د مصيبت په ورځ تا ته جواب درکړى؛ د يعقوب د خُدائ پاک نوم دې ستا حفاظت وکړى. 2هغه دې د مقدس ځائ نه تا ته مدد درولېږى، او د صيون نه دې ستا ملاتړ وکړى. 3هغه دې ستا ټولې نذرانې په ياد ولرى او ستا سوزولې قربانۍ ته دې په مهربانۍ سره وګورى. 4هغه دې ستا د زړۀ مُراد درکړى او ستا ټولې منصوبې دې پوره کړى.
5مونږ به ستا د خلاصون په خوشحالۍ کښې نعرې ووهو، او د زمونږ پلار په نوم به خپل بيرغونه پورته کړو. زمونږ پلار دې ستا ټولې التجاګانې پوره کړى. 6اوس زۀ پوهيږم چې زمونږ پلار خپل مسح شوے بچ کوى؛ هغه د خپل پاک آسمان نه هغۀ ته د خپل ښى لاس د خلاصوونکى قوت سره جواب ورکوى. 7ځنې په رتهونو باندې بهروسه کوى او ځنې په آسونو، خو مونږ د زمونږ پلار په نوم باندې بهروسه کوو. 8هغوئ راپرزيږى او غورزيږى، خو مونږ پاڅيږو او ټينګ ولاړ يُو. 9اے پلاره، بادشاه بچ کړه! کله چې مونږ سوال وکړو، نو جواب راکړه.
