ጢሞቴዎስ ብስራት የምፅእ
ጳውሎስ ደጊም ክፅወር ስለ ዝሰኣነ፥ ኣብ ኣቴና በይኑ ተሪፉ፥ እምነቶም በቲ መከራ ፀኒዑ ኣሎ እንተ ዄይኑ ምእንቲ ኽፈልጥ ንጢሞቴዎስ ሰደዶ። ጢሞቴዎስ ድማ ብፅቡቕ ብስራት ተመሊሱ መፀ፤ እቲ ዕረፍቲ ኸዓ ይስማዕ፦ ሕዚ ህያዋን ኢና። ፍቕሮም ኢየሱስ ኣብ ዝመፅኣሉ ክበዝሕ ድማ ይፅሊ።
3 1ስለዙይ ደጊም ክንፅወሮ ምስ ሰኣንና፥ ኣብ ኣቴና በይንና ክንተርፍ መረፅና፥ 2ንጢሞቴዎስ፥ ሓውናን ኣብ ወንጌል ክርስቶስ ዓያዪ ኣቦናን፥ ኣብ እምነትኩም ምእንቲ ኼፅንዓኩምን ኼተባብዓኩምን ሰደድናዮ፥ 3ሓደ እኳ ኻባኻትኩም በዝ መከራ እዙይ ምእንቲ ኸይናወፅ፤ ንሕና ነዙይ ከም እተመደብና ባዕልኻትኩም ትፈልጡ ኢኹም። 4ምሳኻትኩም እንተለና፥ መከራ ኸም እንቕበል ኣቐዲምና ነጊርናኩም ነይርና፤ ከምቲ እትፈልጥዎ ድማ ኮነ። 5ስለዙይ ደጊም ክፅበ ምስ ሰኣንኩ፥ ብዛዕባ እምነትኩም ምእንቲ ኽፈልጥ ሰደድኩ፤ እቲ ፈታኒ ፈቲኑኩም፥ ድኻምናውን ከንቱ ኸይከውን ፈሪሐ።
6ሕዚ ግና ጢሞቴዎስ ካባኻትኩም ናባና መፂኡ፥ ናይ እምነትኩምን ፍቕርኹምን ብስራት ኣምፂኡልና፤ ከምቲ ንሕና ኽንርእየኩም እንናፍቕ ንስኻትኩምውን ክትርእዩና እናናፈቕኩም፥ ኵልሻዕ ብፅቡቕ ከም እትዝክሩና ነጊሩና። 7ስለዙይ ኣቱም ኣሕዋተይ፥ ኣብ ኵሉ ጭንቅናን መከራናን፥ እምነትኩም ኣፀናንዓና፥ 8ንስኻትኩም ብጐይታ ፀኒዕኹም እንተ ደው ኢልኩም፥ ሕዚ ህያዋን ኢና እሞ። 9ብምኽንያትኩም ኣብ ቅድሚ ኣቦና በቲ እንሕጐሶ ኵሉ ሓጐስ፥ ነቦና እንታይ ምስጋና ኽንፈድየሉ ንኽእል? 10ብለይትን ብመዓልትን ገፅ ንገፅ ክንርእየኩምን፥ ነቲ ገና ዝጐድሎ እምነትኩም ክንመልእን፥ ኣበርቲዕና ንፅሊ ኣለና።
11ሕዚ ኸዓ ባዕሉ ኣቦናን ጐይታና ኢየሱስን ነቲ መንገድና ናባኻትኩም የቕንዖ። 12ጐይታ ድማ፥ ከምቲ ንሕና ንኣኻትኩም፥ ንስንሳትኩምን ንዅሉን ብፍቕሪ የዕብየኩምን የብዝሓልኩምን። 13ጐይታና ኢየሱስ ምስ ኵሎም ቅዱሳኑ ኣብ ዝመፅኣሉ ጊዜ፥ ኣብ ቅድሚ ኣቦና ብቕድስና ነውሪ ዘይብሉ ኾይኑ፥ ንልብኹም ምእንቲ ኼፅንዖ። a a v13 ‘ቅዱሳኑ’ ዝበሃል ንመላእኽቲ፥ ወይ ነቶም ድሮ ዝሞቱ ኣመንቲ፥ ወይ ንኽልቲኣቶም ከመልክት ይኽእል እዩ።
