تيموتيوس ښه خبر راوړى
پولوس د چوپتیا زغم نه درلود، نو په اتن کې یوازې پاتې شو او تیموتاؤس یې ولېږه چې معلومه کړي آیا د هغوی ایمان له فشار سره ژوندی پاتې شوی که نه. تیموتاؤس ښه خبر راوړ، او ارامي یې په ښکاره اورېدل کیږي: اوس موږ ژوندي یو. هغه دعا کوي چې د عيسىٰ له راتګ مخکې د هغوی مینه لبریزه شي.
3 1نو کله چې مونږ نور دا برداشت نۀ شوے کولے، نو مونږ فيصله وکړله چې يواځې په اتهينے کښې پاتې شُو، 2او مونږ تيموتيوس چې زمونږ ورور او د مسيح په انجيل کښې د زمونږ پلار همکار دے، تاسو ته درولېږلو چې ستاسو په ايمان کښې تاسو ته مضبوطى او حوصله درکړى، 3دې دپاره چې په دې سختو کښې ستاسو نه هيڅوک ونۀ ښورولے شى، تاسو پخپله پوهېږئ چې مونږ د دې دپاره ټاکلى يُو. 4کله چې مونږ ستاسو سره وُو، نو مونږ تاسو ته مخکښې وئيلى وُو چې مونږ به په سختو کښې اخته کېږُو، او داسې وشول، لکه چې تاسو پوهېږئ. 5نو کله چې ما نور صبر نۀ شو کولے، نو ما د ستاسو د ايمان د معلومولو دپاره څوک درولېږلو، ځکه چې ما وېره وه چې کۀ چرې آزمائونکى تاسو نۀ وى آزمايلى او زمونږ محنت نۀ وى ضائع شوے.
6خو اوس تيموتيوس ستاسو د نه مونږ ته راغلے دے او د ستاسو د ايمان او مينې ښه خبر يې راوړے دے، چې تاسو هر وخت مونږ په ښۀ ياد کوئ او زمونږ د ليدو ارمان لرئ، لکه څنګه چې مونږ ستاسو د ليدو ارمان لرُو. 7نو اے وروڼو، په خپله ټوله پرېشانۍ او سختۍ کښې، د ستاسو ايمان مونږ ته تسلى راکړله، 8ځکه چې اوس مونږ ژوندى يُو، کۀ تاسو په مالِک کښې کلک ولاړ يئ. 9مونږ ستاسو په حقله خپل پلار ته د کوم شکر ادا کولے شُو، د هغه ټول خوشحالۍ دپاره چې مونږ ستاسو په سبب د خپل پلار په مخکښې کوُو؟ 10مونږ شپه او ورځ په زړۀ سوى سره دُعا کوُو چې تاسو مخامخ ووينُو او هغه څۀ پوره کړُو چې ستاسو په ايمان کښې لا تر اوسه کمے دے؟
11اوس دې زمونږ پلار پخپله، او زمونږ مالِک عيسىٰ، زمونږ لار تاسو ته سيده کړى. 12مالِک دې تاسو داسې زيات کړى او د يو بل او د ټولو دپاره مو په مينه کښې داسې ډک کړى، لکه چې مونږ ستاسو دپاره يُو، 13دې دپاره چې هغه ستاسو زړونه مضبوط کړى چې د زمونږ پلار په مخکښې په پاکۍ کښې بېعيبه وئ، کله چې زمونږ مالِک عيسىٰ د خپلو ټولو پاکانو سره راشى. a a v13 ”د هغۀ پاکان“ کېدے شى چې فرښتو ته اشاره وى، يا هغه ايمانداران چې مخکښې مړۀ شوى دى، يا دواړو ته.
