Wakolosai 4

4 ¹Enyi mabwana, wapeni watumwa wenu yaliyo haki na ya adili—kwa maana ninyi nanyi mnaye Bwana mbinguni.

²Dumuni katika kusali, mkikesha ndani yake pamoja na shukrani. ³Tuombeeni na sisi pia, ili Baba yetu atufungulie mlango wa kuunena ujumbe, kuitangaza siri ya Kristo, ambayo kwa ajili yake nimefungwa minyororo pia, ⁴ili niidhihirishe kama inipasavyo kunena.

⁵Enendeni kwa hekima mbele ya walio nje, mkiitumia vema kila nafasi. ⁶Maneno yenu yawe na neema sikuzote, yakikolezwa munyu, mpate kujua jinsi iwapasavyo kumjibu kila mtu. ^a a v6 Yakikolezwa munyu: yenye busara na yenye kuvutia—maneno yanayostahili kusikilizwa.

Watenda Kazi Wapendwa

⁷Tikiko, ndugu yetu mpendwa, mtumishi mwaminifu, na mtumwa mwenzetu katika Bwana, atawaambia habari zangu zote. ⁸Nilimtuma kwenu kwa kusudi hili hasa: mpate kujua hali zetu, naye aitie moyo mioyo yenu, ⁹pamoja na Onesimo, ndugu mwaminifu na mpendwa, aliye mmoja wenu. Watawaambia mambo yote yaliyo hapa.

¹⁰Aristarko, mfungwa mwenzangu, anawasalimu, na Marko, mjomba wake Barnaba—mlipokea maagizo juu yake: mkaribisheni akija kwenu, ¹¹na Yesu, aitwaye Yusto—hawa peke yao ndio Wayahudi kati ya watenda kazi wenzangu kwa ajili ya ufalme wa Baba yetu; nao wamekuwa faraja kwangu.

¹²Epafra, aliye mmoja wenu, mtumishi wa Kristo Yesu, anawasalimu, akijitaabisha daima kwa ajili yenu katika maombi, mpate kusimama mkiwa wakamilifu na wenye uhakika kamili katika kila apendalo Baba yetu. ¹³Namshuhudia kwamba amejitaabisha sana kwa ajili yenu, na kwa ajili ya wale walioko Laodikia na Hierapoli. ¹⁴Luka, tabibu mpendwa, anawasalimu, na Dema pia.

¹⁵Wasalimuni ndugu walioko Laodikia, na Nimfa, na kanisa lililo nyumbani mwake. ¹⁶Hii waraka utakaposomwa kwenu, fanyeni usomwe katika kanisa la Walaodikia pia, nanyi vivyo hivyo usomeni ule utokao Laodikia. ¹⁷Nanyi mwambieni Arkipo, "Angalia utimize huduma uliyoipokea katika Bwana."

¹⁸Mimi Paulo nawasalimu kwa mkono wangu mwenyewe. Kumbukeni minyororo yangu. Neema na iwe pamoja nanyi.