Fambani Mwaudziwisi, Phembani Mwakukhulupirika
Paulu asaphemba maphembero toera Baba wathu afungule nsuwo wa mphangwa ingakhala iye ali mʼmaketani, asaauza kuti alonge mafala a ntsisi, akuthiwa mcere kwa anthu a kunja, pakumala asalonga axamwali ace m'bodzi na m'bodzi — Tikiko, Onesimo, Epafra wakuaphembera mwakulimbika, Luka, Marko.
4 1Imwe ambuya, perekani kuna abitcha anu pinthu pyakulungama na pyakuthema — imwembo muna Mbuya kudzulu.
2Pitirizani kuphemba, mukhakhala maso mu maphembero mwa kupereka takhuta. 3Tiphemberenimbo ife, toera Baba wathu atifungulire nsuwo toera tipange fala, toera tilonge cibisobiso ca Kirixtu, thangwi ya cenecico ine ndiri mʼmaketani pontho, 4toera ndicipangize pakweca, ninga munathemera ine kulonga.
5Fambani mwaudziwisi kuna ale ali kunja, mukaphatisira mwadidi mpata onsene. 6Nduni mafala anu akhale na kukoma ntima, akuikhwa munyu, mukadziwa kutawira m'bodzi na m'bodzi. a a v6 Akuikhwa munyu: akunyerezeka mwadidi na akukwewa ntima — mafala akuthema kubveserwa.
Anyabasa Anzathu Akufunika
7Tikiko, m'bale wathu wakufunika, ntumiki wakukhulupirika, na bitcha ndzathu mwa Mbuya, anadzakupangani pyonsene pya ine. 8Ndamtuma kuna imwe thangwi ya cifuno ici: toera mudziwe makhaliro athu, pontho iye awangise mitima yanu, 9pabodzi na Onesimo, m'bale wakukhulupirika na wakufunika, m'bodzi wa imwe. Iwo anadzakupangani pyonsene pinacitika kuno.
10Arixtariko, ndzanga wa n'kaidi, na Marko, m'bale wa Baranabe, asakupasani moni — mwatambira matongero thangwi ya iye: iye angafika kuna imwe, muntambireni, 11na Yezu, anacemerwa Yuxto — iwo okha ndi Ayuda pakati pa anyabasa anzanga a Umambo wa Baba wathu; iwo andibalangaza.
12Epafra, m'bodzi wa imwe, ntumiki wa Kirixtu Yezu, asakupasani moni, nduni mukunetseka thangwi ya imwe mu maphembero, toera muime mwakukhwima na mwakutsimikizika mwandimomwene mu pyonsene pinafuna Baba wathu. 13Ndinakwanisa kulonga kuti iye aphata basa mwamphambvu thangwi ya imwe, na ale ali ku Laodiseya, na ku Yerapoli. 14Luka, dotoro wakufunika, asakupasani moni, pontho na Dema.
15Pasani moni abale a ku Laodiseya, na Ninfa pabodzi na mpingo uli n'nyumba mwace. 16Tsamba ineyi ingamala kulengwa pakati panu, citani kuti ilengwembo mu mpingo wa ku Laodiseya, pontho imwembo lengani ire yakubuluka ku Laodiseya. 17Pontho pangani Arkipo: “Onesesa kuti umalise utumiki udatambira iwe mwa Mbuya.”
18Ine, Paulu, ndisalemba moni uyu na nkono wanga ene. Kumbukani maketani anga. Kukoma ntima kukhale na imwe.
