Ku Yi Tafiya da Hikima, Ku Yi Addu'a da Aminci

Bulus ya roƙi a yi addu'a Ubanmu ya buɗe ƙofa domin saƙon ko da yake yana cikin sarƙoƙi, ya gargaɗe su su yi magana mai alheri, mai gishiri ga waɗanda ke waje, sa'an nan ya ambaci abokansa ɗaya bayan ɗaya — Tikikus, Unisimus, Abafaras wanda yake addu'a sosai dominsu, Luka, Markus.

Babi na 4.

Ku iyayengiji, ku ba wa bayinku abin da yake daidai da kuma na adalci, gama ku ma kuna da Ubangiji a Sama.

Ku himmantu ga addu'a, kuna tsaye a faɗake a cikinta tare da godiya. Ku yi mana addu'a mu ma, domin Ubanmu yă buɗe mana ƙofa don mu yaɗa saƙon, mu bayyana asirin Almasihu, wanda saboda shi nake cikin sarƙoƙi, domin in bayyana shi sarari, yadda ya kamata in yi magana.

Ku yi tafiya da hikima wajen waɗanda suke waje, kuna amfani da kowace dama sosai. Kullum ku yi magana da alheri, wadda aka ƙara wa gishiri, kuna sane da yadda ya kamata ku amsa wa kowane mutum. ^a

Ƙaunatattun Abokan Aiki

Tikikus, ƙaunataccen ɗan'uwanmu, amintaccen bawa, da kuma abokin bauta cikin Ubangiji, zai gaya muku kome game da ni. Na aike shi gare ku saboda wannan dalili, domin ku san yadda muke, shi kuma yă ƙarfafa zukatanku, tare da Onisimus, amintaccen ƙaunataccen ɗan'uwa, ɗaya daga cikinku. Za su gaya muku kome da yake nan.

Aristarkus, abokin kurkukuna, da Markus, ɗan'uwan Barnaba, suna gaishe ku — kun riga kun karɓi umarni game da shi, idan ya zo gare ku, ku karɓe shi, da kuma Yesu, wanda ake kira Yustus — su ne kaɗai Yahudawa a cikin abokan aikina saboda Mulkin Ubanmu; sun ta'azantar da ni.

Afafaras, ɗaya daga cikinku, bawan Almasihu Yesu, yana gaishe ku, kullum yana fama saboda ku cikin addu'a, domin ku tsaya da cikakkiyar balaga da kuma cikakken tabbaci cikin dukan abin da Ubanmu yake nufi. Zan iya shaida cewa ya sha wahala saboda ku, da waɗanda suke Lawodikiya, da kuma Hiyerafolis. Luka, ƙaunataccen likita, yana gaishe ku, haka ma Demas.

Ku gai da 'yan'uwa a Lawodikiya, da kuma Nimfa da ikkilisiyar da take gidanta. Sa'ad da aka karanta wannan wasiƙa a cikinku, ku sa a karanta ta a ikkilisiyar Lawodikiya ma, ku kuma karanta wadda ta zo daga Lawodikiya. Ku kuma gaya wa Arkibus, “Ka tabbata ka cika hidimar da ka karɓa cikin Ubangiji.”

Ni Bulus, na rubuta wannan gaisuwa da hannuna. Ku tuna da sarƙoƙina. Alheri yă kasance tare da ku.