Akaropafadzwa Munhu Anovatya
Chiratidziro chakaitwa nemaune chepisarema rarinotevera. Zvakataurwa pamusoro paBaba vedu zvava kutaurwa pamusoro pomunhu anovatya: chiedza chinomubudira murima, anokweretesa zvine rupo, uye haatyi mashoko akaipa.
112 1Hareruya! Akaropafadzwa munhu anotya Baba vedu, anofarira zvikuru mirayiro yavo. 2Vana vake vachava nesimba munyika; rudzi rwavakarurama ruchakomborerwa. 3Upfumi nepfuma zviri mumba make, uye kururama kwake kunogara nokusingaperi. 4Chiedza chinobudira vakarurama murima; ane nyasha, ane tsitsi, uye akarurama. 5Zvinhu zvinofambira zvakanaka munhu anopa norupo uye anokweretesa, anobata zvinhu zvake nokururamisira. 6Zvirokwazvo haangatongozungunuswi; akarurama acharangarirwa nokusingaperi. 7Haatyi nhau dzakaipa; mwoyo wake wakasimba, uchivimba naBaba vedu. 8Mwoyo wake wakatsiga; haangatyi, kusvikira achitarisa vavengi vake nokukunda. 9Akagovera norupo akapa varombo; kururama kwake kunogara nokusingaperi; achasimudzirwa mukudzwa. a a v9 Pauro anonokora ndima iyi achitsanangura kupa kunofadza, kworupo, kunoropafadzwa naBaba vedu — 2 VaKorinde 9:9. 10Akaipa anozviona agotsamwa; anogeda-geda meno ake achinyongodeka; chishuwo chavakaipa chichaparara.