Ani Pa ding kachinu maan ga aih sanuwe
Hagazo nung la ongnu laa om theiga to damnu katha an gaye. ani Pa chaat bi rin damnu ga, atun Bating kachinu mi chaat bi rinnuwe: babaan ga maan lang zingnu riak pi baan thang nge, maanna tamga pi hungme khatle paang thangnuwe, khatle cham kasianu ding maan ga kachi laye.
112 1Halleluiya! Ani Pa ding kachinu khatle Baom zathang bing bi lung nwam taknu maan ga aih sanuwe. 2Bakik taat ga talei ram bi nat raangnu onglune; bazenu nun om mikin ga aih sanu onglune. 3Lan le pot le Bain bi amme, khatle Baom ririak senu ga khwa seiga amlune. 4Bazenu nun lang babaan ga zingnu riak pi baan thang nge; maan ga phaangkriang amnu, phaangkriang theinu khatle ririak senu gaye. 5Phaangkriangna pi hungnu khatle paang thangnu maan lang balaang sa lang nge, maanna bazenu bina baom thou bing ga to chui thang nge. 6Batak takka, maan ga khwa seiga kanuk laye; ririak senu ga khwa seiga baningsu onglune. 7Maan ga cham kasianu ding kachi make; basung ga han tipka amme, ani Pa khou balumsanuna. 8Basung ga han tipka amme; baom munanu nun ding mai aangga phaang mak basaan maan ga kachi laye. 9Maanna tamga pi hanluga lungsianu nun lang pi thang rwe; Baom ririak senu ga khwa seiga amlune; takung tazei bi maan ga basaangka kai thoulune. a a v9 Paul na karonu khatle kut rangga pi hunnu ga ani Pana rithoi thangnu dinu pi mu lang, heiba chong ga indao thang rwe — 2 Corinthians 9:9. 10Sa maknu maanna haga muluga balung pwanne; ngaatang ei karit thouluga maan ga baraan ta dam nge; sa maknu nun om bathainu ga braanlune.