Pa Tsübuba Shiba Temoatsüba Lir
Tangbo ken ka tatishitsü. Asen Tebu indang ashibatem tang pa tsübuba nisung indang ashi: ammang nung tesangwa pa asoshi sangwar, pai mulungsoa agi lendong, aser pai osang tamajung matsübutsü.
112 1Haleluya! Asen Tebu tsübuba, pa temelabatem nung kanga pelaba shiba temoatsüba lir. 2Pa semchirtem alima nung tashi tulu alitsü; tindangertem putu moatsütsü. 3Takaba aser rongsen pa kidang lir, aser pa temeshiba teti alir. 4Tindangertem asoshi tesangwa ammang nung sangwar; pa yimlibilem, taochi aser temeshi lir. 5Mulungsoa agütsü aser lendong shiba dang junga alitsü, shibai pei indang ochi agi manase. 6Atangji pa kodanga manokshidaktsütsü; temeshi pur teti asoshi bilemtettsü. 7Pa osang tamajung matsübutsü; pa mulungjang asen Tebu dak tamang aka, akang akanga noktaker. 8Pa mulungjang jenjang lir; pa anemertem madak takok anguba pa reprangtsü tashi, pa matsübutsü. 9Pai mulungsoa sharuhen aser sensaker nem agütsüogo; pa temeshiba teti alir; pa khonang agi ajungketdaktsü. a a v9 Asen Tebui moatsüba, tepela aser teka salaa agütsüba indang shitettsü asoshi Pauli iba o züngpong agü — 2 Korinthia 9:9. 10Tamajungeri aji angua ain adok; pa tepu mejemer aser samatsü; tamajunger tejangraba peritsü.