Hao to soumo hatbü kho olinbou
Shaang kibü nyensang chia la kümthenan mangchühbü ki. Seneibü Bou shangabü laubü kho touje hao to souhatbü müt shangabü lauda: nakthüh phanga ngesakbü hao shanga hauda, haoei maangmai kuko lenda, hoba amaibü ngühlang to ahatlabü.
112 1Haleluya! Seneibü Bou to soumo hatbü, hoba haoeibü ngühkhüm shuonga aeibou maangshikbü müt kho olinbou. 2Haoeibü lilabü kho kaodaka hau kibü kilabü; maang tangbü meten haükulabü. 3Haoeibü chema nyaksinam hoba keian ki, hoba haoeibü saopobü ponpen thon akiko kida. 4Maang tangbü shuong shanga nakthüh phanga ngesakbü hauda; hao onoubü, sanoudambü hoba saopobü ki. 5Maangmai kuko lenbü müt shanga maibü kilabü, aoei ngühmaia haoeibü khonsak songdakda. 6Maimaitham hao ladangkei anyaakeitilabü; saopobü müt ponpen shanga damenlabü. 7Hao ngühlang amaibü to ahatlabü; haoeibü maangpon seneibü Bou to maanglem phoko kaangkhühtham ki. 8Haoeibü maangpon tuokan ki; haoei haoeibü dangbou shuong thük haplep shongko hao ahatlabü. 9Haoei maangmai janyinko shalebü la kukei; haoeibü saopobü ponpen thon akiko kida; hao nyenhanga thük to tonenlabü. a a v9 Paulei seneibü Bouei haükubü olinbü hoba ik maisho kubü shangabü lenla ho ngühli louda — 2 Korinthibü 9:9. 10Amaibü müt kho hapan khauanglabü; haoei hauh jitnyinko mauan aplabü; amaibü shuongeibü maangdak maulabü.
