Hallelujah
Seneibü Boueibü kümsilei shanga chia che: thenyek thakko lamla haübü, damenla shanga kümthenbü, ngühmaia hoba maang tangbüei kümbü. Haoei hao to souhatbü shuong la shausiyung kuda hoba haoeibü theyolanyobü ponpen damenda. Thonbü ngühlangei kho kümla kibü yeitida—ho souhatbü kho songsihon khangshang ki.
111 1Hallelujah! Ngei maang tangbü shuong tan yoa hoba mütshuong kambü ka, maangpon pendouei seneibü Bou la nyensang kulabü. 2Seneibü Bou kümsilei shuong yaang ki, khünei olinbü pendouei damanchühda. 3Haoeibü kümsilei soneikangbü hoba yaangenbü ki, hoba haoeibü saopobü ponpen thon akiko kida. 4Haoei jembü seikümseilei damenlabü lele kümbei; seneibü Bou onoubü hoba sanoudambü ki. 5Haoei hao to souhatbü shuong la shausiyung kuda; haoei jembü theyolanyobü ponpen damenda. 6Haoei jembü mütli la haoeibü kümsilei sei lena, haoen la phangshuongeibü phetphan kukei. 7Haoeibü ikei kümbü kümsilei maanglembü hoba ngühmai ki; haoeibü sakkubü pendou mailemlabü ki. 8Khübü ponpen thon akiko kaangkhühtham loan kida, ngühmaia hoba maang tangbüei kümbü ki. 9Haoei jembü mütli la khümenbü hautikei; haoei jembü theyolanyobü ponpen sakkukei. Haoeibü nyen saopobü hoba hatlamoklabü ki. 10Seneibü Bou to souhatbü kho songsihon khangshang ki; khübü kümbü pendouei maibü ditenbü pailetda. Haoeibü nyensang ponpen thon akiko kida. a a v10 Ho ka 'hatbü' kho soumo hatbü hoba maangto yaang hatko mangsühbü dogo lenbü ki, temokbü ayingsi lühmokbü aying.
