Zaburi 111

111 ¹ Haleluya! Nitamsifu Baba yetu kwa moyo wangu wote, katika kusanyiko la wanyofu na katika mkutano. ² Matendo ya Baba yetu ni makuu, huchunguzwa na wote wanaoyafurahia. ³ Fahari na utukufu ni alama ya kazi yake, na haki yake yadumu milele. ⁴ Ameyafanya maajabu yake yakumbukwe; Baba yetu ni mwenye neema, moyo wake umejaa huruma. ⁵ Huwapa chakula wale wanaomcha yeye; hulikumbuka agano lake milele. ⁶ Amewaonyesha watu wake nguvu za matendo yake, akiwapa urithi wa mataifa. ⁷ Kazi za mikono yake ni za uaminifu na haki; maagizo yake yote ni ya kuaminika. ⁸ Yamethibitishwa milele na milele, yametekelezwa kwa uaminifu na unyofu. ⁹ Aliwapelekea watu wake ukombozi; aliliamuru agano lake milele. Takatifu na la kuogopwa ni jina lake. ¹⁰ Kumcha Baba yetu ndio mwanzo wa hekima; wote wanaozitenda hupata ufahamu mwema. Sifa zake zadumu milele. ^a a v10 Kumcha hapa maana yake ni hofu ya kicho na heshima kubwa, si woga wala kutetemeka.