Ali Khangachee Mi Chi Sokhamina
Kaphok laa chiwui khanglang. Ithumwui Avāwui pongli kahāng chi ali ngacheekhangai mi chiwui pongli hānga: ngayāli ali meiwan shoka, sa̱mkhaphāda khaneikhami, kala kaphāmana tui thāda makhangacheemana.
112 1Proholi solu! Ithumwui Avāli khangachee, awui ningkhamili khamathān meihaoda samphanga mi chi sokhamina. 2Awui ara̱-azā ngalei chili pangshapa sāra; mashungrik kahaibingwui thot chi sokhami samphangra. 3Lan kala kashāng awui shimli lei, kala awui khamashung khangarong katang mavaimana. 4Mashungrik kahaibingwui vang tangkhamang lungli kahor shokra; ava lumashan, leishi kathā, kala khamashungana. 5Mingairereo mida chishuta, mashun eina awui otva̱ kasā mi chi mahaimeira. 6Kachangkhat eina a mangatha̱lakmara; khangaronga chi katang mavaila phaningung ngasakra. 7Ava chānpao phāyali mangacheemara; awui ning ithumwui Avāli shitsangda nganingtitta lei. 8Awui ning nganingchinga lei; awui yangkashebingli mathānda a yangranglakha eina tangda, a mangacheemara. 9Ava taimayāsā sharuk kachāmabingli mihaira; awui khamashung khangarong katang mavaimana; a khayākakā eina khāngchikatra. a a v9 Ithumwui Avāna somi, khamathānna kala pāng khalanda mishokwui pongli hāngchithei khavai, Paulna shiyan hi ngahānluihaira — 2 Corinthians 9:9. 10Makhayā mina chi theilaga malungvāthaira; awui ahā tarira a khananghaira; makhayāwui ningkachāng chi shimānra.
