ଯେ ତାହାଙ୍କୁ ଭୟ କରେ, ସେ ଧନ୍ୟ

ପୂର୍ବ ଗୀତର ଏକ ଜାଣିଶୁଣି ଦର୍ପଣ-ପ୍ରତିବିମ୍ବ। ଆମ ପିତାଙ୍କ ବିଷୟରେ ଯାହା କୁହାଯାଇଥିଲା, ତାହା ଏବେ ତାହାଙ୍କୁ ଭୟ କରୁଥିବା ବ୍ୟକ୍ତି ବିଷୟରେ କୁହାଯାଏ: ଅନ୍ଧକାରରେ ତା' ପାଇଁ ଆଲୋକ ଉଦୟ ହୁଏ, ସେ ଉଦାର ଭାବେ ଋଣ ଦିଏ, ଆଉ ମନ୍ଦ ସମ୍ବାଦକୁ ସେ ଭୟ କରେ ନାହିଁ।

ଅଧ୍ୟାୟ 112।

ହାଲ୍ଲିଲୂୟା! ଯେ ଆମ୍ଭମାନଙ୍କ ପିତାଙ୍କୁ ଭୟ କରେ, ପୁଣି ତାହାଙ୍କ ଆଜ୍ଞାରେ ଅତିଶୟ ଆନନ୍ଦ କରେ, ସେ ଧନ୍ୟ। ତାହାର ବଂଶ ଦେଶରେ ପରାକ୍ରମୀ ହେବ; ସରଳାଚାରୀମାନଙ୍କର ବଂଶ ଆଶୀର୍ବାଦ ପ୍ରାପ୍ତ ହେବ। ତାହାର ଗୃହରେ ଐଶ୍ଵର୍ଯ୍ୟ ଓ ଧନ ଥାଏ, ପୁଣି ତାହାର ଧାର୍ମିକତା ଅନନ୍ତକାଳସ୍ଥାୟୀ। ସରଳାଚାରୀମାନଙ୍କ ନିମନ୍ତେ ଅନ୍ଧକାରରେ ଦୀପ୍ତି ଉଦିତ ହୁଏ; ସେ ଅନୁଗ୍ରହୀ, କୃପାମୟ ଓ ଧାର୍ମିକ। ଯେ ଉଦାର ଭାବେ ବ୍ୟବହାର କରେ ଓ ଋଣ ଦିଏ, ପୁଣି ନ୍ୟାୟରେ ଆପଣା କାର୍ଯ୍ୟ ପରିଚାଳନା କରେ, ତାହାର ମଙ୍ଗଳ ହୁଏ। ନିଶ୍ଚୟ ସେ କେବେ ବିଚଳିତ ହେବ ନାହିଁ; ଧାର୍ମିକ ଲୋକ ଅନନ୍ତକାଳ ସ୍ମରଣ କରାଯିବ। ସେ ଅଶୁଭ ସମ୍ବାଦକୁ ଭୟ କରେ ନାହିଁ; ଆମ୍ଭମାନଙ୍କ ପିତାଙ୍କଠାରେ ବିଶ୍ଵାସ ରଖି ତାହାର ହୃଦୟ ସୁସ୍ଥିର। ତାହାର ହୃଦୟ ଦୃଢ଼; ସେ ଆପଣା ଶତ୍ରୁମାନଙ୍କ ଉପରେ ଜୟଦୃଷ୍ଟି ନ କରିବା ପର୍ଯ୍ୟନ୍ତ ସେ ଭୀତ ହେବ ନାହିଁ। ସେ ଉଦାର ଭାବେ ବିତରଣ କରିଅଛି ଓ ଦରିଦ୍ରମାନଙ୍କୁ ଦାନ କରିଅଛି; ତାହାର ଧାର୍ମିକତା ଅନନ୍ତକାଳସ୍ଥାୟୀ; ସେ ସମ୍ଭ୍ରମରେ ଉନ୍ନତ କରାଯାଇଅଛି। ^a ଦୁଷ୍ଟ ଲୋକ ଏହା ଦେଖି କ୍ରୋଧ କରେ; ସେ ଦନ୍ତ କଡ଼ମଡ଼ କରି କ୍ଷୀଣ ହୁଏ; ଦୁଷ୍ଟମାନଙ୍କର ବାଞ୍ଛା ବିନଷ୍ଟ ହେବ।