Kyesi Kwena Mutu Wuna Wisi Zitisa Yandi
Kiphelu kya luzolu kya mukunga wuna wuwútekila. Mana mázimbulwa kikuma kya Tata wetu, bwabu mazimbulwa kikuma kya mutu wuna wisi muzitisa: mwini wusi kenzuka kwena yandi muna phipha, wisi sompisa mu luzolu, amana kayúkaku bweya mu musamu wa mbi.
112 1Aleluya! Kyesi kwena mutu wuna wisi zitisa Tata wetu, wuna wisi monina tsambu ya lawu muna mitsiku myandi. 2Butuka dyandi dyakála dya ngolu ha tsi; mbandu ya batu basungama yakála ya kyesi. 3Kimvwama yi bimvwama byenina mu nzu yandi, amana masonga mandi manangina mvula yi mvula. 4Mwini wukenzudini muna phipha kwena basungama; kenina wa khenda, wa kyadi yi wa masonga. 5Mambu makwendila mboti kwena mutu wuna wisi kabula mu luzolu yi kusompisa, wuna wisi sala mambu mandi mu masonga. 6Kyedika, kanikanaku; mutu wa masonga kayubukwa mvula yi mvula. 7Kayúkaku bweya mu musamu wa mbi; mbundu yandi yizyamini, wisi ditsikisila mwena Tata wetu. 8Mbundu yandi yisyamini; kayúkaku bweya, tii yi kuna katala ha thandu ya bambeni bandi. 9Wákabula bya yandi mu luzolu, wáhana kwena batsukami; masonga mandi manangina mvula yi mvula; katombwala ha thandu mu lukumu. a a v9 Pholu wutangudi vese yayi mu kumonikisa kabu dya kyesi yi dya luzolu lwa mboti, luna Tata wetu kisi sakumuna — 2 Bakolinto 9:9. 10Mutu wa mbi wisi mona bwabu amana wisi funga khabu; wisi kwekisa menu mandi amana wisi yumuka; nzoluka za batu ba mbi zazíluka.
