Ngot Ma Koteech Ineendet
Tyeni ne po togostaet. Ne po Solomon.
Katigonetap Solomon agobo chametapkei. Teegindet, riibindet ak chiito ne ng'eetei karon kobooto nyaliilda tugul ko poisyei eng' tangoi ngot ma mi Kwandanyo, ne koonu rwondo icheek che chamei. Kiguure lagok poroteet ne kigoiywai, ma kiit ne ki kinyoor eng' poisyet.
127 1Ngot ma koteech Kwandanyo koot, poisyei teegigyik eng' tangoi. Ngot ma koriip Kwandanyo nganaseet, riipkei riibindet eng' tangoi. 2Eng' tangoi ye ing'eetei karon ak itebi agoi koimen, iamei amitwogik che po nyaliilda; amu koonu chamennyi rwondo.
3Lagok ko poroteet ne punu Kwandanyo, ak iyoteetap moet ko melekto. 4Ko uu kipchabonik che mi eng' eutap chiito ne po lugeet lagogap ming'inatennyi. 5Iberuurot chiito ne inde icheek motyennyi kobiyong'! Ma lilan ye ng'alaali ak puunikyik eng' ormariichet. a a v5 Ormariichetap nganaseet ko ki olta ne iyumgei piik si kirwook ng'aleek ak kiy tugul ne po pororiet — koek chii ne tinyei weeriik che chaang' konyoor biik che kimnotin che toretei ineendet eng' olooto.