Iye Angakhonda Kuyimanga
Nyimbo yakukwira. Ya Salomau.
Cenjezo ya Salomoni ya kuleka kudzilemesa. Nyakumanga, nyakulinda na ule anapakhuka macibese mwakudzudzumika onsene asaphata basa mwakusowa phindu pakasowa Baba wathu, ule anapereka tulo kuna ale anafuna iye. Ana asalongwa ninga mphaso yakupaswa, tayu cinthu cakugumanwa na basa.
127 1Baba wathu angakhonda kumanga nyumba, anyakuyimanga asaphata basa pezi. Baba wathu angakhonda kuonera nzinda, nyakuonera asakhala maso pezi. 2Ndi pezi kuti musalamuka namacibese, mbamukhala maso mpaka usiku, mukadya nkate wa basa yakudzudzumisa; thangwi Iye asapasa kugona kuna ule anamufuna.
3Ana ndi unthaka wakubuluka kuna Baba wathu, misapo ya mimba ndi nkhombo. 4Ninga miseve m'manja mwa nyankhondo ndi ana adabalwa mu uphale. 5Wakukomerwa ndi mamuna ule anadzadza thumba yace na iwo! Iye nkhabe kudzagwa manyadzo pakulonga na anyamalwa ace pa nsuwo wa nzinda. a a v5 Nsuwo wa nzinda ukhali mbuto ya anthu onsene kukhatongwa milandu na kumalisa pinthu pya nzinda — kukhala na anamuna azinji kukhabveka kukhala na anyakutsidzikiza amphambvu pa mbuto ineyi.
