Kotogosta Israel eng' Misiri
Kimwaei mandaet ko uu nereeknatet kityo: keer nyanjet ak komwei, koweekyigei Jordan, kochirchir tuloonook ko uu mengichik. Yeityo koteebi tyendo icheek — amu nee si omwei? — ak kogoochi walutyet koek taitap Kwandanyo, ne wal rwandet koek peek.
114 1Ye kingo togosta Israel eng' Misiri, kootap Jakobo kobunu pororyet ne teer ng'aleekwak, 2Ki koek Judah ole-tiliil ne po Kwandanyo, koek Israel pounatennyi.
3Ki keer nyanjet ak komwei; koweekyigei Jordan. 4Ki chirchir tuloonook ko uu mengichik, tuloonook che mengeechen ko uu aarek.
5Amu nee si imwee, ee nyanjet? Amu nee si iweekyigei, ee Jordan? 6Amu nee si ochirchir ko uu mengichik, ee tuloonook? Amu nee, ee tuloonook che mengeechen, ko uu aarek?
7Ipotanso, ee ng'wony, eng' taitap Kiptaiyat Kwanda, eng' taitap Kamuktaindetap Jakobo, 8ne ki wal rwandet koek pooldet ne po peek, koweekta koita ne ng'atip koek keriinget ne kuutu.