詩篇 114

114 ¹以色列人出埃及嘅時候, 雅各家離開咗一個講外邦話嘅民族, ²猶大就成為我哋嘅父嘅聖所, 以色列成為佢管治嘅地方。

³大海一見就走咗去; 約旦河向後退返。 ⁴大山好似公羊噉跳躍, 小山好似羊羔噉跳。

⁵大海啊,你做乜要走呢?約旦河啊,你做乜要向後退呢? ⁶大山啊,你做乜好似公羊噉跳躍呢? 小山啊,你做乜好似羊羔噉跳呢?

⁷大地啊,你要喺至高嘅父面前戰抖, 喺雅各嘅神面前戰抖, ⁸佢曾經將磐石變成一池 水,將堅硬嘅石頭變成湧流嘅泉源。