Mga Awit 114

114 ¹ Nang lumabas ang Israel mula sa Egipto, ang sambahayan ni Jacob mula sa bayang banyaga ang wika, ² Ang Juda ay naging santuwaryo ng ating Ama, ang Israel ay naging kaniyang sakop.

³ Tumingin ang dagat at tumakas; ang Jordan ay umurong. ⁴ Ang mga bundok ay lumundag na parang mga lalaking tupa, ang mga burol na parang mga kordero.

⁵ Bakit, dagat, ikaw ay tumakas? Bakit, Jordan, ikaw ay umurong? ⁶ Bakit, mga bundok, kayo ay lumundag na parang mga lalaking tupa? Bakit, mga burol, na parang mga kordero?

⁷ Manginig ka, lupa, sa harapan ng Panginoong Ama, sa harapan ng ating Ama ng Jacob, ⁸ na siyang gumawa sa bato upang maging lawa ng tubig, sa batong pingkian upang maging bukal na umaagos.