ಕೀರ್ತನೆಗಳು 114 FHB Father's Heart Bible™

114 ¹ಇಸ್ರಾಯೇಲ್ ಐಗುಪ್ತದಿಂದ ಹೊರಬಂದಾಗ, ಯಾಕೋಬನ ಮನೆತನವು ಅನ್ಯಭಾಷೆ ಮಾತಾಡುವ ಜನರಿಂದ ಹೊರಬಂದಾಗ, ²ಯೆಹೂದವು ನಮ್ಮ ತಂದೆಯ ಪವಿತ್ರಾಲಯವಾಯಿತು, ಇಸ್ರಾಯೇಲ್ ಅವರ ಆಳ್ವಿಕೆಗೆ ಒಳಪಟ್ಟಿತು.

³ಸಮುದ್ರವು ಕಂಡು ಓಡಿಹೋಯಿತು; ಯೊರ್ದನ್ ಹಿಂತಿರುಗಿತು. ⁴ಪರ್ವತಗಳು ಟಗರುಗಳಂತೆ ಕುಣಿದಾಡಿದವು, ಗುಡ್ಡಗಳು ಕುರಿಮರಿಗಳಂತೆ ಕುಣಿದವು.

⁵ಸಮುದ್ರವೇ, ನೀನೇಕೆ ಓಡಿಹೋದೆ? ಯೊರ್ದನೇ, ನೀನೇಕೆ ಹಿಂತಿರುಗಿದೆ? ⁶ಪರ್ವತಗಳೇ, ನೀವೇಕೆ ಟಗರುಗಳಂತೆ ಕುಣಿದಿರಿ? ಗುಡ್ಡಗಳೇ, ಕುರಿಮರಿಗಳಂತೆ ಏಕೆ ಕುಣಿದಿರಿ?

⁷ಭೂಮಿಯೇ, ಸಾರ್ವಭೌಮ ತಂದೆಯ ಸನ್ನಿಧಿಯಲ್ಲಿ, ಯಾಕೋಬನ ದೇವರ ಸನ್ನಿಧಿಯಲ್ಲಿ ನಡುಗು, ⁸ಅವರು ಬಂಡೆಯನ್ನು ನೀರಿನ ಕೊಳವನ್ನಾಗಿ, ಕಲ್ಲುಬಂಡೆಯನ್ನು ಹರಿಯುವ ಬುಗ್ಗೆಯನ್ನಾಗಿ ಮಾರ್ಪಡಿಸಿದರು.