Gakondo ya Data yahawe Efurayimu
Umupaka wa Efurayimu unyuzwa uhereye i Yeriko uzamuka mu misozi ukagera ku nyanja, hamwe n'indi mijyi yongewe muri gakondo ya Manase. Iki gice girangira ku kwemera: Abanyakanāni bo i Gezeri ntibigeze birukanwa, ahubwo bashyizwe mu mirimo y'agahato.
16 1Ubufindo bw'abakomoka kuri Yozefu bwatangiriraga kuri Yorodani hafi y'i Yeriko, mu burasirazuba bw'amazi yaho, bukazamuka buva i Yeriko mu butayu no mu misozi kugeza i Beteli. 2Buva i Beteli bugakomeza kugeza i Luzi, no ku mupaka w'Abaruki ugana Ataroti. 3Bwamanukaga bwerekeza iburengerazuba ku mupaka w'Abayafuleti, ukagera ku mupaka wa Betihoroni y'epfo, ukagera i Gezeri, ukagarukira ku Nyanja.
4Nuko abakomoka kuri Yozefu, ari bo Manase na Efurayimu, bahabwa gakondo yabo. 5Umugabane w'abakomoka kuri Efurayimu hakurikijwe amazu yabo ni uwu: umupaka wabo w'iburasirazuba wavaga Ataroti-Adari ukagera i Betihoroni y'ejuru. 6Umupaka wakomezaga ukagera ku Nyanja, i Mikimetati ikaba mu majyaruguru; ukerekeza iburasirazuba ukagera i Tānati-Shilo, ukanyura iburasirazuba bwaho ukagera i Yanowa. 7Nuko umanuka uva i Yanowa ukagera Ataroti na Nāra, ukagera i Yeriko, ukagarukira kuri Yorodani. 8Uvuye i Tapuwa umupaka werekeza iburengerazuba ukagera ku kagezi ka Kana, ukagarukira ku Nyanja. Iyo ni yo gakondo y'umuryango w'abakomoka kuri Efurayimu, hakurikijwe amazu yabo. 9Abakomoka kuri Efurayimu kandi bari bafite imijyi batoranyijwe muri gakondo y'abakomoka kuri Manase, iyo mijyi yose n'imidugudu iyikikije. 10Ariko ntibamenesheje Abanyakanāni bari batuye i Gezeri; Abanyakanāni bakomeza gutura hagati y'Abefurayimu kugeza n'uyu munsi, bakoreshwa imirimo y'agahato.
