Efraim shanga Boueibü phetphan
Efraim leilang Jerikho ka shongh kaodak danko yungnyu sühko paikei, Manasse phet maanga phangche sangnyu shuong yoan kukei. Kho thonbüa thekubü che kia: Gezera kibü Kananbü aieikei ashian apbü, khei labou kümla lolo khümbo kukei.
16 1Josefeibü shousi shuong shanga phejan kho Jerikho Jordan ka, Jerikho dei chaangbou aephei, Jerikho ka angbü yamlamang aeto, shongh kaodak danko Bethel sühko kikei. 2Hobaje kho Bethel ka Luz sühko haukei, hoba Atarota Arkbü leilang sühko kikei. 3Hobaje kho chanep aenei Jafletbü leilang sühko, Beth-Horon Sangthon leilang sühko, hoba Gezer sühko yanan kikei, hoba leilang thonbü kho yungnyua kikei.
4Kheijinei Josefeibü shousi shuong, Manasse hoba Efraim, haoeneibü phet sungletkei. 5Hobaje haoen chemdang thüng Efraim shousi shuongeibü leilang ho kikei: haoeneibü chaangbou leilang Atarothadar ka Beth-Horon Thükkabou sühko kikei. 6Hobaje leilang kho yungnyua haukei, yungkük ae Mikmetal kikei; hoba kho chaangbou aephei Taanathshilo to sepeian, khoeibü chaang aephei danko hauan Janoa sühko kikei. 7Hobaje kho Janoa ka Atarot hoba Naara sühko yanan, Jerikho sühko loukei, hoba leilang kho Jordana thonan kikei. 8Hobaje leilang kho Tappua ka chanep aenei Kana shumang sühko haukei, hoba yungnyua thonan kikei. Ho haoen chemdang thüng Efraim shousi shuong chemdang phet kikei. 9Hobaje Manasse shousi shuong phet yoa Efraim shousi shuong shanga phangche sangnyu shuong kikei, sangnyu pendou haoeneibü sang yoan. 10Lausikei haoenei Gezera kibü Kananbü shian asattien; lausikei Kananbü tat sühko Efraim yoa kikei, hoba tukosekko kümsilei kümtibü lele yeikei.
