Ukuboko kwa Data wa twese kwarwanya Abafilisitiya

Abafilisitiya bashira isanduku ya Data bari banyaze iruhande rwa Dagoni, maze kabiri basanga imana yabo yituye yubamye, ubugira kabiri umutwe n'amaboko vyayo vyavunitse biri ku muryango. Ibibyimba n'ubwoba bikurikira isanduku kuva i Ashidodi gushika i Gati n'i Ekuroni, gushika igisagara cose gisavye ko bayibakuriraho.

Igice 5.

Abafilisitiya bari bafashe isandugu ya Data wa twese, bayikura i Ebeneze bayizana i Ashidodi. Abafilisitiya bafata isandugu ya Data wa twese, bayinjiza mu rusengero rwa Dagoni, bayishira iruhande rwa Dagoni. Bukeye mu gitondo abo i Ashidodi bavyutse kare, basanga Dagoni yaguye ubgofu hasi imbere y’isandugu ya Data wa twese. Bafata Dagoni bamusubiza mu kibanza ciwe. Bukeye bavyutse kare mu gitondo, basanga Dagoni yongeye kugwa ubgofu hasi imbere y’isandugu ya Data wa twese. Ubu rero umutwe wiwe n’amaboko yiwe yompi vyari vyacitse biguye ku mbago; umubiri wiwe gusa ni wo wari wasigaye. Ni co gituma gushika n’uyu musi abaherezi ba Dagoni n’abinjira bose mu rusengero rwa Dagoni i Ashidodi batarenga ku mbago ya Dagoni. Ukuboko kwa Data wa twese kuraremerera cane ku bantu b’i Ashidodi. Arabahonya, abatera ibibyimba, i Ashidodi n’intara zose zikikije. Abagabo b’i Ashidodi babibonye, baravuga bati: “Isandugu y’Imana ya Isiraheli ntiyokwishimangira iwacu; ukuboko kwayo kuraturemereye natwe na Dagoni imana yacu.” Batumako abatware bose b’Abafilisitiya, barababaza bati: “Twogira dute iyi sandugu y’Imana ya Isiraheli?” Barishura bati: “Isandugu y’Imana ya Isiraheli nimuyimurire i Gati.” Nuko bimurira isandugu y’Imana ya Isiraheli iyo.

Bamaze kuyimura, ukuboko kwa Data wa twese kwarwanya na co gisagara, gituma haba ubwoba bginshi cane. Arakubita abantu baco, abato n’abakuru, ibibyimba birabadurumbuka. Nuko barungika isandugu ya Data wa twese i Ekuroni. Mugabo igishikiriza, abantu b’i Ekuroni baratakamba bati: “Baduzaniye isandugu y’Imana ya Isiraheli kugira ngo batwice twe n’abantu bacu!”

Nuko bakoranya abatware bose b’Abafilisitiya, bati: “Nimuhereze isandugu y’Imana ya Isiraheli iyindi; nisubire mu kibanza cayo, kugira ngo ntiiduhonye twe n’abantu bacu.” Ubwoba bgica bgari bgafashe igisagara cose; ukuboko kwa Data wa twese kwari kuremereye cane ng’aho. Abatapfuye baterwa ibibyimba, n’amaborogo y’igisagara aduga mw’ijuru.