Hosea 5

5 ¹Una hear dis one, oh una priests! Make una pay attention, house of Israel! Listen, house of di king! Because dis judgment na for una, because una don be trap for Mizpah and net wey dem spread for Tabor.

²“Di people wey dey rebel don go deep inside killing-killing, but I go discipline all of dem. ³I know Ephraim, and Israel no hide from me; because now, Ephraim, you don turn yourself to ashawo, and Israel don dirty.

⁴“Di tins wey dem dey do no go let dem return go back to dem Papa, because spirit of ashawo dey inside dem, and dem no know our Papa. ⁵Di pride of Israel dey talk against am; Israel and Ephraim dey stumble for dem sin; Judah too dey stumble with dem. ⁶With dem sheep and dem cattle dem go go find our Papa, but dem no go see am; e don comot from dem. ⁷Dem don betray our Papa, because dem don born pikin wey no be proper pikin. Now di new moon go chop dem finish along with dem farmland.

⁸“Blow di horn for Gibeah, di trumpet for Ramah. Shout di battle cry for Beth-aven; look for your back, Benjamin! ⁹Ephraim go turn to waste land for di day of punishment; among di tribes of Israel I dey make wetin sure known. ¹⁰Di princes of Judah don be like people wey dey move boundary stone; on top dem I go pour my anger like water. ¹¹Dem dey press Ephraim down, dem crush am for judgment, because e make up im mind to dey follow useless idols. ¹²So I be like moth to Ephraim, and like rot wey dey dry di house of Judah.

¹³“Ephraim see im own sickness, Judah see im open sore; so Ephraim run go Assyria, dey beg dia great king. But dat king no fit cure you, or heal your wound wey dey rotten. ¹⁴Because I go be like lion to Ephraim, and like young lion to di house of Judah. Na me myself go tear dem and comot go; I go carry dem go, and nobody go rescue. ¹⁵I go go back again to my place, until dem go admit dem guilt and find my face; for dem trouble dem go really find me.”