ପିତାଙ୍କ ଗୃହ ନିମନ୍ତେ ସ୍ଵେଚ୍ଛାଦତ୍ତ ଉପହାର

ଦାଉଦ ଜାତୀୟ ଭଣ୍ଡାରରେ ନିଜର ସୁନା ଓ ରୂପା ଯୋଗ କରନ୍ତି, ତାʼପରେ ପଚାରନ୍ତି ଆଉ କିଏ ଇଚ୍ଛୁକ — ଏବଂ ନେତାମାନେ ମୁକ୍ତହସ୍ତରେ ଦାନ କରନ୍ତି। ତାଙ୍କ ପ୍ରାର୍ଥନା ପୁସ୍ତକର ସବୁଠାରୁ ସରଳ କଥା କହେ: ଯାହା କିଛି ଦିଆଗଲା, ତାହା ପ୍ରଥମେ ଆମ ପିତାଙ୍କ ହସ୍ତରୁ ଆସିଥିଲା। ତାʼପରେ ଶଲୋମନଙ୍କ ରାଜ୍ୟାଭିଷେକ ହୁଏ, ଏବଂ ଦାଉଦ ସନ୍ତୁଷ୍ଟ ହୋଇ ମୃତ୍ୟୁବରଣ କରନ୍ତି।

ଅଧ୍ୟାୟ 29।

ଦାଉଦ ରାଜା ସମଗ୍ର ସମାଜକୁ କହିଲେ, ଆମ୍ଭମାନଙ୍କ ପିତା ଯାହାଙ୍କୁ ମନୋନୀତ କରିଅଛନ୍ତି, ସେହି ମୋହର ପୁତ୍ର ଶଲୋମନ ଯୁବା ଓ ଅନଭିଜ୍ଞ, ଆଉ ଏ କାର୍ଯ୍ୟ ବୃହତ୍‍, କାରଣ ଏ ମନ୍ଦିର ମନୁଷ୍ୟ ନିମନ୍ତେ ନୁହେଁ, ମାତ୍ର ଆମ୍ଭମାନଙ୍କ ପିତାଙ୍କ ନିମନ୍ତେ। ମୁଁ ଆପଣା ସମସ୍ତ ବଳରେ ମୋହର ପିତାଙ୍କ ଗୃହ ନିମନ୍ତେ ଯୋଗାଡ଼ କରିଅଛି; ସୁବର୍ଣ୍ଣ-ଦ୍ରବ୍ୟ ନିମନ୍ତେ ସୁବର୍ଣ୍ଣ, ରୌପ୍ୟ-ଦ୍ରବ୍ୟ ନିମନ୍ତେ ରୌପ୍ୟ, ପିତ୍ତଳ-ଦ୍ରବ୍ୟ ନିମନ୍ତେ ପିତ୍ତଳ, ଲୌହ-ଦ୍ରବ୍ୟ ନିମନ୍ତେ ଲୌହ, କାଷ୍ଠ-ଦ୍ରବ୍ୟ ନିମନ୍ତେ କାଷ୍ଠ; ଗୋମେଦକ ମଣି ଓ ଖଚନ ନିମନ୍ତେ ମଣି, ଅଞ୍ଜନ ପ୍ରସ୍ତର ଓ ବିବିଧ ବର୍ଣ୍ଣର ପ୍ରସ୍ତର, ସର୍ବପ୍ରକାର ବହୁମୂଲ୍ୟ ପ୍ରସ୍ତର ଓ ପ୍ରଚୁର ମର୍ମର ପ୍ରସ୍ତର ଯୋଗାଡ଼ କରିଅଛି। ଆହୁରି, ମୋହର ପିତାଙ୍କ ଗୃହରେ ମୋହର ଆସ୍ଥା ଥିବାରୁ, ପବିତ୍ର ଗୃହ ନିମନ୍ତେ ମୁଁ ଯାହାସବୁ ଯୋଗାଡ଼ କରିଅଛି, ତାହା ଛଡ଼ା ମୁଁ ଆପଣାର ନିଜସ୍ଵ ସୁବର୍ଣ୍ଣ ଓ ରୌପ୍ୟ ଧନ ମୋହର ପିତାଙ୍କ ଗୃହକୁ ଦେଉଅଛି; ଗୃହର କାନ୍ଥସବୁ ମଡ଼ାଇବା ନିମନ୍ତେ ଓଫୀରର ପ୍ରାୟ ଏକଶହ ବାର ଟନ୍‍ ସୁବର୍ଣ୍ଣ ଓ ପ୍ରାୟ ଦୁଇଶହ ବାଷଠି ଟନ୍‍ ନିର୍ମଳ ରୌପ୍ୟ ଦେଉଅଛି, ସୁବର୍ଣ୍ଣ-ଦ୍ରବ୍ୟ ନିମନ୍ତେ ସୁବର୍ଣ୍ଣ, ରୌପ୍ୟ-ଦ୍ରବ୍ୟ ନିମନ୍ତେ ରୌପ୍ୟ ଓ ଶିଳ୍ପକାରମାନଙ୍କ ହସ୍ତକୃତ ସର୍ବପ୍ରକାର କାର୍ଯ୍ୟ ନିମନ୍ତେ ଦେଉଅଛି। ଏବେ ଆଜି ଆମ୍ଭମାନଙ୍କ ପିତାଙ୍କ ଉଦ୍ଦେଶ୍ୟରେ ଆପଣାକୁ ଉତ୍ସର୍ଗ କରିବାକୁ କିଏ ଇଚ୍ଛୁକ ଅଟେ?

ସେତେବେଳେ ବଂଶାଧିପତିମାନେ, ଇସ୍ରାଏଲର ଗୋଷ୍ଠୀପତିମାନେ, ସହସ୍ରପତି ଓ ଶତପତିମାନେ ଓ ରାଜକାର୍ଯ୍ୟ ଉପରେ ନିଯୁକ୍ତ ଅଧିକାରୀମାନେ ସ୍ଵେଚ୍ଛାରେ ଉତ୍ସର୍ଗ କଲେ। ଆଉ ସେମାନେ ଆମ୍ଭମାନଙ୍କ ପିତାଙ୍କ ଗୃହର ସେବା ନିମନ୍ତେ ପ୍ରାୟ ଏକଶହ ଅଠାଅଶୀ ଟନ୍‍ ସୁବର୍ଣ୍ଣ ଓ ଦଶ ସହସ୍ର ଦୀନାର, ତିନିଶହ ପଞ୍ଚସ୍ତରି ଟନ୍‍ ରୌପ୍ୟ, ଛଅଶହ ପଞ୍ଚସ୍ତରି ଟନ୍‍ ପିତ୍ତଳ ଓ ତିନି ସହସ୍ର ସାତଶହ ପଚାଶ ଟନ୍‍ ଲୌହ ଦେଲେ। ପୁଣି, ଯାହା ନିକଟରେ ବହୁମୂଲ୍ୟ ପ୍ରସ୍ତର ଥିଲା, ସେ ତାହା ଗେର୍ଶୋନୀୟ ଯିହୀୟେଲଙ୍କ ତତ୍ତ୍ଵାବଧାନରେ ଥିବା ଆମ୍ଭମାନଙ୍କ ପିତାଙ୍କ ଗୃହର ଭଣ୍ଡାରକୁ ଦେଲା। ସେମାନେ ସ୍ଵେଚ୍ଛାରେ ଦାନ କରିବାରୁ ଲୋକମାନେ ଆନନ୍ଦ କଲେ, କାରଣ ସେମାନେ ସମ୍ପୂର୍ଣ୍ଣ ଅନ୍ତଃକରଣ ସହିତ ଆମ୍ଭମାନଙ୍କ ପିତାଙ୍କ ଉଦ୍ଦେଶ୍ୟରେ ସ୍ଵେଚ୍ଛାରେ ଉତ୍ସର୍ଗ କଲେ; ଦାଉଦ ରାଜା ମଧ୍ୟ ମହାନନ୍ଦିତ ହେଲେ।

ପିତାଙ୍କ ପ୍ରତି ଦାଉଦଙ୍କ ପ୍ରଶଂସାର ପ୍ରାର୍ଥନା

ଏଣୁ ଦାଉଦ ସମଗ୍ର ସମାଜ ସମ୍ମୁଖରେ ଆମ୍ଭମାନଙ୍କ ପିତାଙ୍କର ଧନ୍ୟବାଦ କଲେ। ପୁଣି ଦାଉଦ କହିଲେ, “ହେ ଆମ୍ଭମାନଙ୍କ ପିତା ଇସ୍ରାଏଲ, ତୁମ୍ଭେ ଅନାଦିକାଳରୁ ଅନନ୍ତକାଳ ପର୍ଯ୍ୟନ୍ତ ଧନ୍ୟ ଅଟ। ହେ ଆମ୍ଭମାନଙ୍କ ପିତା, ମହିମା, ପରାକ୍ରମ, ଗୌରବ, ଜୟ ଓ ପ୍ରତାପ ତୁମ୍ଭର ଅଟେ; କାରଣ ସ୍ଵର୍ଗ ଓ ପୃଥିବୀସ୍ଥ ସମସ୍ତ ତୁମ୍ଭର। ହେ ଆମ୍ଭମାନଙ୍କ ପିତା, ରାଜ୍ୟ ତୁମ୍ଭର; ତୁମ୍ଭେ ସର୍ବୋପରିସ୍ଥ ମସ୍ତକ ରୂପେ ଉନ୍ନତ ଅଟ। ଐଶ୍ଵର୍ଯ୍ୟ ଓ ସମ୍ମାନ ତୁମ୍ଭଠାରୁ ଆସେ, ପୁଣି ତୁମ୍ଭେ ସମସ୍ତଙ୍କ ଉପରେ କର୍ତ୍ତୃତ୍ଵ କର। ଶକ୍ତି ଓ ପରାକ୍ରମ ତୁମ୍ଭ ହସ୍ତରେ ଅଛି, ଆଉ ସମସ୍ତଙ୍କୁ ମହାନ କରିବା ଓ ବଳ ଦେବା ତୁମ୍ଭ ହସ୍ତ ସାଧ୍ୟ। ଏଣୁ ହେ ଆମ୍ଭମାନଙ୍କ ପିତା, ଆମ୍ଭେମାନେ ଏବେ ତୁମ୍ଭର ଧନ୍ୟବାଦ କରୁଅଛୁ ଓ ତୁମ୍ଭ ଗୌରବମୟ ନାମର ପ୍ରଶଂସା କରୁଅଛୁ। ମାତ୍ର ମୁଁ କିଏ ଓ ମୋହର ଲୋକମାନେ କିଏ ଯେ, ଆମ୍ଭେମାନେ ଏରୂପ ସ୍ଵେଚ୍ଛାରେ ଉତ୍ସର୍ଗ କରିବାକୁ ସକ୍ଷମ ହେଲୁ? କାରଣ ସମସ୍ତ ତୁମ୍ଭଠାରୁ ଆସେ, ଆଉ ତୁମ୍ଭ ହସ୍ତରୁ ଯାହା ପାଇଅଛୁ, କେବଳ ତାହା ତୁମ୍ଭକୁ ଦେଇଅଛୁ। ଆମ୍ଭ ସମସ୍ତ ପିତୃପୁରୁଷଙ୍କ ପରି ଆମ୍ଭେମାନେ ତୁମ୍ଭ ସମ୍ମୁଖରେ ବିଦେଶୀ ଓ ପ୍ରବାସୀ ଅଟୁ; ପୃଥିବୀରେ ଆମ୍ଭମାନଙ୍କ ଦିନସବୁ ଛାୟା ସ୍ଵରୂପ, ଆଉ ରହିବାର କିଛି ଭରସା ନାହିଁ। ହେ ଆମ୍ଭମାନଙ୍କ ପିତା, ତୁମ୍ଭ ପବିତ୍ର ନାମ ଉଦ୍ଦେଶ୍ୟରେ ଏକ ଗୃହ ନିର୍ମାଣ କରିବା ନିମନ୍ତେ ଆମ୍ଭେମାନେ ଏହି ଯେଉଁ ସକଳ ଧନ ସଞ୍ଚୟ କରିଅଛୁ, ତାହା ତୁମ୍ଭ ହସ୍ତରୁ ଆସେ ଓ ତାହା ସମସ୍ତ ତୁମ୍ଭର। ହେ ମୋହର ପିତା, ମୁଁ ଜାଣେ, ତୁମ୍ଭେ ଅନ୍ତଃକରଣର ପରୀକ୍ଷା କର ଓ ସରଳତାରେ ସନ୍ତୁଷ୍ଟ ହୁଅ। ମୁଁ ଆପଣା ଅନ୍ତଃକରଣର ସରଳତାରେ ଏ ସମସ୍ତ ସ୍ଵେଚ୍ଛାରେ ଉତ୍ସର୍ଗ କରିଅଛି, ଆଉ ଏବେ ଏଠାରେ ଉପସ୍ଥିତ ତୁମ୍ଭ ଲୋକମାନଙ୍କୁ ଆନନ୍ଦରେ ତୁମ୍ଭ ଉଦ୍ଦେଶ୍ୟରେ ଉତ୍ସର୍ଗ କରିବାର ଦେଖୁଅଛି। ହେ ଆମ୍ଭମାନଙ୍କ ପିତୃପୁରୁଷ ଅବ୍ରହାମ, ଇସ୍‍ହାକ ଓ ଇସ୍ରାଏଲଙ୍କ ଈଶ୍ଵର, ତୁମ୍ଭ ଲୋକମାନଙ୍କ ଅନ୍ତଃକରଣର ଏ ସଂକଳ୍ପ ଅନନ୍ତକାଳ ରକ୍ଷା କର, ପୁଣି ସେମାନଙ୍କ ହୃଦୟ ତୁମ୍ଭ ପ୍ରତି ସ୍ଥିର କର। ଆଉ ମୋହର ପୁତ୍ର ଶଲୋମନକୁ ତୁମ୍ଭ ଆଜ୍ଞା, ସାକ୍ଷ୍ୟ ଓ ବିଧିସବୁ ପାଳନ କରିବାକୁ, ଏସମସ୍ତ କରିବାକୁ, ପୁଣି ମୁଁ ଯାହା ନିମନ୍ତେ ଯୋଗାଡ଼ କରିଅଛି, ସେହି ମନ୍ଦିର ନିର୍ମାଣ କରିବାକୁ ସମ୍ପୂର୍ଣ୍ଣ ଅନ୍ତଃକରଣ ଦିଅ।”

ଏଥିଉତ୍ତାରେ ଦାଉଦ ସମଗ୍ର ସମାଜକୁ କହିଲେ, “ଏବେ ତୁମ୍ଭମାନଙ୍କ ପିତାଙ୍କର ଧନ୍ୟବାଦ କର।” ତହିଁରେ ସମଗ୍ର ସମାଜ ଆପଣାମାନଙ୍କ ପିତୃପୁରୁଷଙ୍କ ଈଶ୍ଵରଙ୍କ ଧନ୍ୟବାଦ କରି ମସ୍ତକ ନତ କଲେ, ଆଉ ଆମ୍ଭମାନଙ୍କ ପିତା ଓ ରାଜାଙ୍କ ସମ୍ମୁଖରେ ମୁହଁ ମାଡ଼ି ପ୍ରଣାମ କଲେ।

ପିତାଙ୍କ ସମ୍ମୁଖରେ ଶଲୋମନ ରାଜା ରୂପେ ଅଭିଷିକ୍ତ

ପୁଣି ସେମାନେ ଆମ୍ଭମାନଙ୍କ ପିତାଙ୍କ ଉଦ୍ଦେଶ୍ୟରେ ବଳିଦାନ କଲେ ଓ ତହିଁ ଆରଦିନ ଆମ୍ଭମାନଙ୍କ ପିତାଙ୍କ ଉଦ୍ଦେଶ୍ୟରେ ହୋମବଳି ଉତ୍ସର୍ଗ କଲେ, ଅର୍ଥାତ୍‍ ଏକ ସହସ୍ର ବୃଷ, ଏକ ସହସ୍ର ମେଷ, ଏକ ସହସ୍ର ମେଷଶାବକ, ପେୟ-ନୈବେଦ୍ୟ ସହିତ ଓ ସମଗ୍ର ଇସ୍ରାଏଲ ନିମନ୍ତେ ପ୍ରଚୁର ବଳିଦାନ ଉତ୍ସର୍ଗ କଲେ। ଆଉ ସେମାନେ ସେହିଦିନ ଆମ୍ଭମାନଙ୍କ ପିତାଙ୍କ ସମ୍ମୁଖରେ ମହାନନ୍ଦ ସହିତ ଭୋଜନପାନ କଲେ। ପୁଣି ସେମାନେ ଦ୍ଵିତୀୟ ଥର ଦାଉଦଙ୍କ ପୁତ୍ର ଶଲୋମନକୁ ରାଜା କଲେ, ଆଉ ଆମ୍ଭମାନଙ୍କ ପିତାଙ୍କ ଉଦ୍ଦେଶ୍ୟରେ ତାହାଙ୍କୁ ଅଧିପତି ଓ ସାଦୋକକୁ ଯାଜକ ରୂପେ ଅଭିଷେକ କଲେ।

ଏଣୁ ଶଲୋମନ ଆପଣା ପିତା ଦାଉଦଙ୍କ ପଦରେ ରାଜା ରୂପେ ଆମ୍ଭମାନଙ୍କ ପିତାଙ୍କ ସିଂହାସନ ଉପରେ ଉପବିଷ୍ଟ ହେଲେ। ସେ ଉନ୍ନତି କଲେ, ଆଉ ସମଗ୍ର ଇସ୍ରାଏଲ ତାହାଙ୍କ ଆଜ୍ଞାବହ ହେଲା। ^a ଆଉ ସମସ୍ତ ଅଧିପତି ଓ ବୀରଗଣ, ପୁଣି ଦାଉଦ ରାଜାଙ୍କ ସମସ୍ତ ପୁତ୍ର ମଧ୍ୟ ଶଲୋମନ ରାଜାଙ୍କ ବଶୀଭୂତ ହେଲେ। ପୁଣି ଆମ୍ଭମାନଙ୍କ ପିତା ସମଗ୍ର ଇସ୍ରାଏଲ ଦୃଷ୍ଟିରେ ଶଲୋମନଙ୍କୁ ଅତିଶୟ ମହାନ କଲେ ଓ ତାହାଙ୍କୁ ଏରୂପ ରାଜକୀୟ ପ୍ରତାପ ଦେଲେ, ଯାହା ତାହାଙ୍କ ପୂର୍ବରେ ଇସ୍ରାଏଲରେ କୌଣସି ରାଜା ଉପରେ ବର୍ତ୍ତି ନ ଥିଲା।

ଦାଉଦ ରାଜାଙ୍କ ରାଜତ୍ଵ ଓ ମୃତ୍ୟୁ

ଏହିରୂପେ ଯିଶୀଙ୍କ ପୁତ୍ର ଦାଉଦ ସମଗ୍ର ଇସ୍ରାଏଲ ଉପରେ ରାଜତ୍ଵ କଲେ। ଇସ୍ରାଏଲ ଉପରେ ତାହାଙ୍କ ରାଜତ୍ଵକାଳ ଚାଳିଶ ବର୍ଷ ଥିଲା — ହିବ୍ରୋଣରେ ସାତ ବର୍ଷ ଓ ଯିରୂଶାଲମରେ ତେତିଶ ବର୍ଷ। ପୁଣି ସେ ଉତ୍ତମ ବୃଦ୍ଧାବସ୍ଥାରେ, ପୂର୍ଣ୍ଣ ଆୟୁ, ଐଶ୍ଵର୍ଯ୍ୟ ଓ ସମ୍ମାନ ଭୋଗ କରି ମଲେ; ଆଉ ତାହାଙ୍କ ପୁତ୍ର ଶଲୋମନ ତାହାଙ୍କ ପଦରେ ରାଜତ୍ଵ କଲେ। ଦାଉଦ ରାଜାଙ୍କ ଆଦ୍ୟନ୍ତ କ୍ରିୟାକର୍ମ ଦର୍ଶକ ଶାମୁୟେଲଙ୍କ ଇତିହାସ-ପୁସ୍ତକରେ, ଭାବବାଦୀ ନାଥନଙ୍କ ଇତିହାସ-ପୁସ୍ତକରେ ଓ ଦର୍ଶକ ଗାଦ୍‍ଙ୍କ ଇତିହାସ-ପୁସ୍ତକରେ ଲିଖିତ ଅଛି, ତତ୍ସଙ୍ଗେ ତାହାଙ୍କ ସମସ୍ତ ରାଜତ୍ଵ ଓ ପରାକ୍ରମ, ପୁଣି ତାହାଙ୍କ, ଇସ୍ରାଏଲର ଓ ନାନା ଦେଶୀୟ ସମସ୍ତ ରାଜ୍ୟର ଉପରେ ଘଟିଥିବା ଘଟଣାସବୁ ମଧ୍ୟ ଲିଖିତ ଅଛି।